ଭେଡେନ,୨୨।୪(ସୁଦନ ମହାକୁର): ବରଗଡ଼ ଜିଲା ଅତାବିରା ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ଭେଡେନ ବ୍ଲକର ଡାଙ୍ଗପାଲିଠାରେ ସୋମବାର ଭାଜପାର ମିଶ୍ରଣ ପର୍ବ ଅନୁଷ୍ଠିତ ହୋଇଛି। ପପଙ୍ଗା ମଣ୍ଡଳ ସଭାପତି ଧନେଶ୍ୱର ପାଢ଼ୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ମିଶ୍ରଣ ପର୍ବରେ ବିଭିନ୍ନ ସଙ୍ଗଠନର ବହୁସଂଖ୍ୟକ ଯୁବ ଓ ମହିଳା କର୍ମୀ ଦଳରେ ସାମିଲ ହୋଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱ ଓ ଅତାବିରା ଭାଜପା ବିଧାୟକ ପ୍ରାର୍ଥୀ ନିହାର ମହାନନ୍ଦଙ୍କ ବ୍ୟକ୍ତିତ୍ୱ ଉପରେ ଆସ୍ଥା ଓ ବିଶ୍ବାସ ରଖି ସେମାନେ ଯୋଗଦାନ କରିଥିବା କହିଛନ୍ତି।
ଏହି ଅବସରରେ ବିଧାୟକ ପ୍ରାର୍ଥୀ ନିହାର ମହାନନ୍ଦ, ଅତାବିରା ବିଧାନସଭା ସଂଯୋଜକ ଅମିତ କୁମାର ପଣ୍ଡା, ବରିଷ୍ଠ ନେତା ଚିତ୍ତରଞ୍ଜନ ଭୋଇ, ପପଙ୍ଗା ମଣ୍ଡଳ ସଭାପତି ଧନେଶ୍ୱର ପାଢ଼ୀ, ସଂକ୍ରୀଡା ମଣ୍ଡଳ ସଭାପତି ଭୀମସେନ ମଲ୍ଲିକ, ଭେଡେନ ମଣ୍ଡଳ ସଭାପତି ଜୟଦେବ ପଧାନ , ବରିଷ୍ଠ ନେତା ଜୟନ୍ତ ହୋତା , ସୁବାଷ ବେହେରା, ଯୁବନେତା କ୍ରିଷ୍ଣା ପଟେଲ , ନିରୋଜ ବାରିକ, ଅର୍ଜୁନ ଦାଶ, ଆରତୀ ବାଗ, ପ୍ରତୀକ ଖମାରୀ, ଉସମାନ ଖାଁ, ସୌମ୍ୟକାନ୍ତ ଦାଶ, ସୁନୀଲ ପଧାନ ପ୍ରମୁଖ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ରାଜୀବ ଲୋଚନ ଦାଶ, ଶିବ ପାଢ଼ୀ, ନୀଳାମ୍ବର ମଲ୍ଲିକ, ପ୍ରଦୀପ ଆଚାର୍ଯ୍ୟ, ମାନପୁର ପଞ୍ଚାୟତ ପୂର୍ବତନ ସରପଞ୍ଚ ସୁରୁବାବୁ ମାଝୀ, ଜପ ସେଟ, ମୁନ୍ନା ବଣ୍ଡୁକି,ଋଷୁଡ଼ା ପଞ୍ଚାୟତ ପୂର୍ବତନ ସମିତି ସଭ୍ୟ ମାନଭଞ୍ଜନ ମେଣ୍ଡଳି, ଚକ୍ରୀ ପୁଟା, ରୁପେଶ ଦୋରା, ହେମନ୍ତ ମେହେରଙ୍କ ନେତୃତ୍ୱରେ ତାଙ୍କ ବହୁସଂଖ୍ୟକ ସମର୍ଥକ ଭାଜପାରେ ଯୋଗଦାନ କରିଛନ୍ତି। ଦଳ ପକ୍ଷରୁ ସମସ୍ତ ନେତା ଓ କର୍ମୀଙ୍କୁ ସ୍ବାଗତ କରାଯାଇଛି। ଏହି ଅବସରରେ ଯୋଗ ଦେଇଥିବା ବିଭିନ୍ନ ସଙ୍ଗଠନର ନେତୃମଣ୍ଡଳୀ ଓ କର୍ମୀମାନେ ଆଗାମୀ ନିର୍ବାଚନରେ ଏମ୍ପି ପ୍ରାର୍ଥୀ ପ୍ରଦୀପ ପୁରୋହିତ ଓ ବିଧାୟକ ପ୍ରାର୍ଥୀ ନିହାର ମହାନନ୍ଦଙ୍କୁ ସମର୍ଥନ ଜଣାଇ ବରଗଡ଼ ଲୋକ ସଭା ଓ ଅତାବିରା ବିଧାନସଭାରେ ବିପୁଳ ଭୋଟରେ ବିଜୟୀ କରାଇବା ପାଇଁ ସଂକଳ୍ପ ନେଇଥିଲେ।