Posted inଖେଳ

ଯୁବ ବିଶ୍ୱ ବକ୍ସିଂ ଚାମ୍ପିୟନଶିପ୍‌: ଫାଇନାଲରେ ୮ ଭାରତୀୟ

ନୂଆଦିଲ୍ଲୀ,୨୨।୪(ପି.ଟି.): ପୋଲାଣ୍ଡର କିଏଲ୍ସଠାରେ ଚାଲିଥିବା ଯୁବ ବିଶ୍ୱ ବକ୍ସିଂ ଚାମ୍ପିୟନଶିପ୍‌ରେ ୭ ମହିଳାଙ୍କ ସମେତ ୮ ଭାରତୀୟ ବକ୍ସର ଫାଇନାଲରେ ପ୍ରବେଶ କରିଛନ୍ତି। ଏହା ଭାରତ ପାଇଁ ଯୁବ ବର୍ଗରେ ଏକ ଆସାଧାରଣ ସଫଳତା ସାବ୍ୟସ୍ତ ହୋଇଛି। ଏହି ୮ଜଣ ପଦକ ହାସଲ କରିବା ନିଶ୍ଚିତ ହୋଇଛ। ଏହାକୁ ବାଦ୍‌ ଦେଲେ ଅନ୍ୟ ୩ ଭାରତୀୟ ବ୍ରୋଞ୍ଜ ପଦକ ହାସଲ କରିଛନ୍ତି। ହଙ୍ଗେରୀରେ ଅନୁଷ୍ଠିତ ୨୦୧୮ ସଂସ୍କରଣରେ ଭାରତ ୧୦ ପଦକ ହାସଲ କରି ଶ୍ରେଷ୍ଠ ପ୍ରଦର୍ଶନ କରିଥିଲା। ଏଥର ଅଧିକ ପଦକ ହାସଲ କରି ଅପେକ୍ଷାକୃତ ଭଲ ପ୍ରଦର୍ଶନ କରିଛନ୍ତି ଭାରତୀୟ ଖେଳାଳିମାନେ।
ବୁଧବାର ବିଶ୍ରାମ ଦିବସ ପରେ ଗୁରୁବାର ଫାଇନାଲ ମୁକାବିଲାଗୁଡିକ ଆୟୋଜନ ହେବ। ଗୀତିକା (୪୮ କେ.ଜି.), ବେବିରୋଜିସାନା ଚାନୁ (୫୧ କେ.ଜି.), ଭିନିକା (୬୦ କେ.ଜି.), ଅରୁନ୍ଧତୀ ଚୌଧୁରୀ (୬୯ କେ.ଜି.), ପୁନମ୍‌ (୫୭ କେ.ଜି.) ଓ ଅଲଫିୟା ପଠାନ (+୮୧ କେ.ଜି.) ଫାଇନାଲକୁ ଉଠିଛନ୍ତି। ପୁରୁଷଙ୍କ ମଧ୍ୟରେ ସଚିନ (୫୬ କେ.ଜି.) ମଧ୍ୟ ଫାଇନାଲ ଟିକେଟ ହାସଲ କରିଛନ୍ତି।
ଗୀତିକା ୫-୦ରେ ଇଟାଲୀର ଏରିକା ପ୍ରିସ୍କିଆନଡାରୋଙ୍କୁ ହରାଇଥିଲେ। ଫାଇନାଲରେ ସେ ପୋଲାଣ୍ଡର ନାଟାଲିଆ ଡୋମିନିକାଙ୍କୁ ଭେଟିବେ। ସେହିପରି ଭିନିକା ୪-୧ରେ ଚେକ୍‌ ଗଣରାଜ୍ୟର ଭେରୋନିକା ଗାତଡୋଭାଙ୍କୁ ହରାଇ ଫାଇନାଲ ଟିକେଟ ହାସଲ କରିଛନ୍ତି। ଭିନିକା ଫାଇନାଲରେ କାଜାଖସ୍ଥାନର ଝୁଲଡିଜ ଶାୟାଖମେଟୋଭାଙ୍କୁ ଭେଟିବେ। ସେହିପରି ଅରୁନ୍ଧତୀ ୫-୦ରେ ଉଜବେକିସ୍ତାନର ଖାଡିଚାବୋନୁ ଅବଦୁଲାଏଭାଙ୍କୁ ହରାଇ ଫାଇନାଲରେ ପ୍ରବେଶ କରିଛନ୍ତି ଓ ସେ ପୋଲାଣ୍ଡର ବାରବରା ମାସିନକଓ୍ବେସ୍କାଙ୍କୁ ଭେଟିବେ। ବେବିରୋଜିସାନା ମଧ୍ୟ ୫-୦ରେ ଇଟାଲୀର ଏଲେନ ଆୟାରୀଙ୍କୁ ପରାସ୍ତ କରିଛନ୍ତି। ସେ ଫାଇନାଲରେ ରୁଷିଆର ଭାଲେରିଆ ଲିଙ୍କୋଭାଙ୍କୁ ଭେଟିବେ। ପୁନମ୍‌ ୫-୦ରେ ଉଜ୍‌ବେକିସ୍ତାନର ସିଟୋରା ତୁରଡିବେକୋଭାଙ୍କୁ ହରାଇ ଅଗ୍ରଗତି କରିଥିବା ବେଳେ ଫାଇନାଲରେ ସେ ସ୍ଥେଲନି ଗ୍ରୋସିଙ୍କୁ ଭେଟିବେ। ସାନମାତା ୪-୧ରେ ପୋଲାଣ୍ଡର ଡାରିଆ ପାରାଡାଙ୍କୁ ହରାଇଛନ୍ତି ଓ ସେ ଫାଇନାଲରେ କାଜାଖସ୍ତାନର ଡାନା ଡିଡେଙ୍କୁ ଭେଟିବେ। ସେହିପରି ଅଲଫିଆ ୩-୨ରେ ପୋଲାଣ୍ଡର ଓଲିଓ୍ବିଆ ଟୋବେରେକଙ୍କୁ ହରାଇଛନ୍ତି ଓ ସେ ଫାଇନାଲରେ ମୋଲଡୋଭାର ଡାରିଆ କୋଜୋରେଜଙ୍କୁ ଭେଟିବେ। ସେହିପରି ଏକମାତ୍ର ଭାରତୀୟ ପୁରୁଷ ବକ୍ସର ଭାବେ ସଚିନ ଇଟାଲୀର ମାଇକେଲ ବାଲଡାସିଙ୍କୁ ହରାଇ ଫାଇନାଲକୁ ଉଠିଛନ୍ତି। ସ୍ବର୍ଣ୍ଣ ପଦକ ପାଇଁ ଫାଇନାଲରେ ସେ କାଜାଖସ୍ତାନର ୟେରବୋଲାଟ ସବିରଙ୍କୁ ଶୁକ୍ରବାର ଭେଟିବେ।
ଅନ୍ୟପଟେ ଯୁବ ଏସିଆନ ରୌପ୍ୟ ପଦକ ବିଜେତା ଅଙ୍କିତା ନରଓ୍ବାଲ (୬୪ କେ.ଜି.), ବିଶ୍ୱମିତା ଚୋଙ୍ଗଥୋମ (୪୯ କେ.ଜି.) ଓ ବିଶାଲ ଗୁପ୍ତା (୯୧ କେ.ଜି.) ସେମିଫାଇନାଲରେ ପରାସ୍ତ ହୋଇ ତୃତୀୟରେ ରହି ଅଭିଯାନ ଶେଷ କରିବା ସହ ବ୍ରୋଞ୍ଜ୍‌ ପଦକ ହାସଲ କରିଛନ୍ତି। ୨୦୧୪ରେ ପ୍ରଥମଥର ପାଇଁ ଉଭୟ ପୁରୁଷ ଓ ମହିଳା ଏକାଠି ଖେଳିବାର ସୁଯୋଗ ପାଇଥିଲେ। ଅଙ୍କିତା ଓ ବିଶ୍ୱମିତା ୧-୪ ନିଷ୍ପତ୍ତିରେ ଯଥାକ୍ରମେ କାଜାଖସ୍ତାନର ସବିରଝାନ ଆକ୍କାଲିକୋଭ ଓ ସଞ୍ଜାର ତାସକେନବେଙ୍କଠାରୁ ପରାସ୍ତ ହୋଇଥିଲେ। ସେହିପରି ବଶାଲ ୫-୦ରେ ପୋଲାଣ୍ଡର ଜାକୁବ ଷ୍ଟ୍ରାସଜଓ୍ବେିସ୍କିଙ୍କଠାରୁ ପରାସ୍ତ ହୋଇଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ହାତକୁ ଦି’ ହାତ ହେଲେ ପିଭି ସିନ୍ଧୁ

ଭାରତର ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ରାଜସ୍ଥାନର ଉଦୟପୁରରେ ଧୂମଧାମରେ ସେ ବ୍ୟବସାୟୀ ଭେଙ୍କଟ ଦତ୍ତା ସାଇଙ୍କ ହାତ ଧରିଛନ୍ତି।...

ବଡ଼ ରେକର୍ଡ କଲେ ପାଣ୍ଡ୍ୟା: ବିସ୍ଫୋରକ ଇନିଂସ ଖେଳି…

ନୂଆଦିଲ୍ଲୀ,୨୩।୧୨: ବିଜୟ ହଜାରେ ଟ୍ରଫି ୨୦୨୪ରେ ଆଶ୍ଚର୍ଯ୍ୟଜନକ ଘଟଣା ଘଟିଛି। ପ୍ରଥମେ ବ୍ୟାଟିଂ କରି ବରୋଦା ୪୦୦ ରନ ମାର୍କ ଅତିକ୍ରମ କରିଛନ୍ତି। ଏହି ସମୟରେ...

ଭାରତକୁ ମିଳିଗଲା ଲେଡି ଜାହିର ଖାନ୍‌! କୁନି ଝିଅଙ୍କ ଦିଓ୍ବାନା ହେଲେ ସଚିନ ତେନ୍ଦୁଲକର

ନୂଆଦିଲ୍ଲୀ,୨୩।୧୨: ମହାନ କ୍ରିକେଟର ସଚିନ ତେନ୍ଦୁଲକର ସୋସିଆଲ ମିଡିଆରେ ଏକ ଭିଡିଓ ଶେୟାର କରିଛନ୍ତି। ଏହି ଭିଡିଓରେ ଏକ ଛୋଟ ଝିଅ ବୋଲିଂ କରୁଥିବା ଦେଖାଯାଉଛି,...

ମ୍ୟାଚ୍‌ ଚାଲିଥିବାବେଳେ ପଡିଆରେ ମହିଳା ଜନ୍ମଦେଲେ ପୁଅ….ସ୍ମୃତିରେ ରହିଗଲା ପାକିସ୍ତାନ-ଦକ୍ଷିଣ ଆଫ୍ରିକା ମ୍ୟାଚ୍‌

ଜୋହାନ୍ସବର୍ଗ,୨୩।୧୨: ଜୋହାନ୍ସବର୍ଗର ୱାଣ୍ଡର୍ସ ଷ୍ଟାଡିୟମରେ ପାକିସ୍ତାନ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିବା ତୃତୀୟ ଦିନିକିଆ ମ୍ୟାଚ କ୍ରିକେଟ ବାହାରେ ଏକ ନିଆରା ଅନୁଭୂତି ଥିଲା।...

କୋହଲିଙ୍କ ନିକଟରେ ସୁବର୍ଣ୍ଣ ସୁଯୋଗ: ମାତ୍ର ୧୩୪ ରନ୍‌ କଲେ ଭାଙ୍ଗିବେ ମହାରେକର୍ଡ

ନୂଆଦିଲ୍ଲୀ,୨୩।୧୨: ବିରାଟ କୋହଲି ବର୍ତ୍ତମାନର ଅଷ୍ଟ୍ରେଲିଆ ଗସ୍ତ ଏକ ଶତକରୁ ଆରମ୍ଭ କରିଥିଲେ। କିନ୍ତୁ ପରବର୍ତ୍ତୀ ଦୁଇଟି ଟେଷ୍ଟ ମ୍ୟାଚରେ ତାଙ୍କ ବ୍ୟାଟ ଚୁପ ରହିଥିଲା।...

ଇତିହାସ ରଚିଲା ପାକିସ୍ତାନ: ପ୍ରଥମ ଦଳ ଭାବେ…

ନୂଆଦିଲ୍ଲୀ,୨୩।୧୨:ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜରେ ପାକିସ୍ତାନ ଦକ୍ଷିଣ ଆଫ୍ରିକାକୁ ପରାସ୍ତ କରିଛି। ସିରିଜର ତୃତୀୟ ତଥା ଶେଷ ମ୍ୟାଚରେ ଡକ୍‌ୱର୍ଥ-ଲୁଇସ୍‌ ନିୟମ ଅଧୀନରେ ପାକିସ୍ତାନ...

ଭାରତ ଗସ୍ତ ପାଇଁ ଇଂଲଣ୍ଡ ଦଳ ଘୋଷଣା

ଲଣ୍ଡନ,୨୨।୧୨: ଜାନୁଆରୀ ୨୨ରୁ ଭାରତ ଏବଂ ଇଂଲଣ୍ଡ ମଧ୍ୟରେ ଟି-୨୦ ଏବଂ ଦିନିକିଆ ସିରିଜ ଖେଳାଯିବ। ଇଂଲଣ୍ଡ ଏବଂ ୱେଲ୍ସ କ୍ରିକେଟ ବୋର୍ଡ ଏଥିପାଇଁ ଦଳ...

ବକ୍ସିଂ ଡେ ଟେଷ୍ଟ ପୂର୍ବରୁ ଭାରତକୁ ବଡ଼ ଝଟ୍‌କା

ସିଡନୀ,୨୨।୧୨: ଅଷ୍ଟ୍ରେଲିଆ ବିପକ୍ଷ ବକ୍ସିଂ ଡେ ଟେଷ୍ଟ ପୂର୍ବରୁ ଭାରତୀୟ ଅଧିନାୟକ ରୋହିତ ଶର୍ମା ଆହତ ହୋଇଛନ୍ତି। ରବିବାର ଅଭ୍ୟାସ ସମୟରେ ରୋହିତଙ୍କ ଆଣ୍ଠୁରେ ଆଘାତ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri