ବ୍ରାହ୍ମଣୀଗାଁ,୨୧।୧୨(ମନୋରଞ୍ଜନ ରଣା)- ବଡ଼ଦିନ ପାଳନ ପାଇଁ କନ୍ଧମାଳ ଜିଲା ବ୍ରାହ୍ମଣୀଗାଁ ଅଞ୍ଚଳ ଉତ୍ସବ ମୁଖର ହୋଇଛି । ଏହି ପର୍ବ ପାଳନ ପାଇଁ ବିଭିନ୍ନ ସମ୍ପ୍ରଦାୟ ପକ୍ଷରୁ ଭାଇଚାରାର ବାର୍ତ୍ତା ପ୍ରଦାନ କରାଯାଉଛି। ଏହି ଅବସରରେ ଯୁବସଙ୍ଘ ପକ୍ଷରୁ ଘରକୁ ଘର ବୁଲି ପ୍ରାକ୍ ଖ୍ରୀଷ୍ଟ ଜନ୍ମ ଜୟନ୍ତୀ ର ଅଭିବାଦନ ଜଣାଉଥିବା ଦେଖିବାକୁ ମିଳିଛି । ଶାନ୍ତି ମୈତ୍ରୀର ବାର୍ତ୍ତା ପ୍ରଦାନ ସହ ଶାନ୍ତି ଶୃଙ୍ଖଳାର ସହ ଏହି ପର୍ବ ପାଳନ ପାଇଁ କୁହାଯାଉଛି । ଏହି ଅବସରରେ ଯୁବ ସଂଘ ସଭାପତି ତରୁଣ ନାୟକଙ୍କ ନେତୃତ୍ୱରେ ସମସ୍ତ ଯୁବଗୋଷ୍ଠୀ ଏକତ୍ରିତ ହୋଇ ସାଣ୍ଟାକ୍ଲସ ବେଶରେ ଶିଶୁ ଯୀଶୁଙ୍କ ପ୍ରତିମୂର୍ତ୍ତି ଧରି , ଗୀତ ନାଚ କରିଛନ୍ତି। ଏପରିକି ଘରକୁ ଘର ବୁଲି ଖ୍ରୀଷ୍ଟଙ୍କ ଶାନ୍ତିର ବାର୍ତ୍ତା ବାଣ୍ଟିବା ସହ ନିଜ ନିଜକୁ ଆତ୍ମିକ ଭାବେ ପ୍ରସ୍ତୁତ କରି ବଡ଼ଦିନ ପର୍ବକୁ ଜନ୍ମ ଜୟନ୍ତୀ ଭାବେ ଆଡ଼ମ୍ବର ସହକାରେ ପାଳନ କରିବାକୁ ବାର୍ତ୍ତା ବାଣ୍ଟିଛନ୍ତି।