ନୂଆଦିଲ୍ଲୀ, ୧୭।୧ : ପୂର୍ବତନ ଭାରତୀୟ କ୍ରିକେଟର ଯୁବରାଜ ସିଂ (ଯୁବି) ଇନ୍ଷ୍ଟାଗ୍ରାମରେ ବିଭିନ୍ନ ପ୍ରକାର ଭିଡିଓ ଶେୟାର କରନ୍ତି। ମଜାଳିଆ ହେଉ କି, ପ୍ରେରଣାଦାୟକ ପୋଷ୍ଟ ସର୍ବଦା ତାଙ୍କ ଫଲୋଅର୍ସଙ୍କୁ ଚକିତ କରିଥାଏ। ନିକଟରେ ସେ ଶେୟାର କରିଛନ୍ତି, ଏକ ଅସାଧାରଣ ବୋଲିଂ ଷ୍ଟାଇଲର ଭିଡିଓ, ଯାହା ଆପଣ କେବେ ଦେଖି ନ ଥିବେ।
ଯୁବି ରବିବାର ଭିଡିଓ ଶେୟାର କରିଛନ୍ତି, ଯାହାର କ୍ୟାପଶନରେ ଲେଖିଛନ୍ତି ‘ ସ୍ପିନରଙ୍କ ଭାରତନାଟ୍ୟମ ଷ୍ଟାଇଲ ’। ପୋଷ୍ଟରେ ଟ୍ୟାଗ କରିଛନ୍ତି ସାଥି ଖେଳାଳି ହରଭଜନ ସିଂଙ୍କୁ।
ଭିଡିଓରେ ଜଣେ ସ୍ପିନର ଘୁରି ଘରି ବୋଲିଂ କରୁଥିବା ଦେଖିବାକୁ ମିଳିଛି। ଏହାକୁ ଏପର୍ଯ୍ୟନ୍ତ ୩.୨ ଲକ୍ଷ ଲାଇକ୍ ମିଳିସାରିଲାଣି। ଏହି ସଂଖ୍ୟା ବଢ଼ିଚାଲିଛି। ଜଣେ ୟୁଜର ଉକ୍ତ ଭିଡିଓରେ ଘୁମର ଗୀତ ମିକ୍ସ କରି ଶେୟାର କରିଛନ୍ତି। ଆଉ ଜଣେ ଲେଖିଛନ୍ତି, ସ୍ପିନରଙ୍କ ବଲ ଠାରୁ ବେଶୀ ଘୁରୁଛନ୍ତି।