ନୂଆଦିଲ୍ଲୀ,୨୯।୯: ଭାରତୀୟ ବିଶ୍ୱକପ୍ ସ୍କ୍ବାର୍ଡରେ ପରିବର୍ତ୍ତନ ସ୍ବରୂପ ଆହତ ଅକ୍ଷର ପଟେଲଙ୍କ ସ୍ଥାନରେ ରବିଚନ୍ଦ୍ରନ ଅଶ୍ୱିନଙ୍କୁ ସାମିଲ କରାଯାଇଛି। ବିସିସିଆଇର ଏହି ନିଷ୍ପତ୍ତିକୁ ନେଇ ଏବେ ବିଶ୍ୱକପ୍ ୨୦୧୧ ନାୟକ ଯୁବରାଜ ସିଂହ ପ୍ରତିକ୍ରିୟା ରଖିଛନ୍ତି। ଏବେ ଦଳରେ ଜଣଙ୍କ ପରେ ଜଣେ ଉଲ୍ଲେଖନୀୟ ଖେଳାଳି ଅଛନ୍ତି। ଅକ୍ଷରଙ୍କ ସ୍ଥାନରେ ଅଶ୍ୱିନଙ୍କ ବଦଳରେ ୟୁଜବେନ୍ଦ୍ର ଚହଲ ଅଥବା ଓ୍ବାଶିଂଟନ ସୁନ୍ଦରଙ୍କୁ ସାମିଲ କରିବା ଉଚିତ ବୋଲି ସେ କହିଛନ୍ତି।
ବ୍ୟକ୍ତିଗତ ଭାବେ କହିଲେ ଏହି ଦଳରେ ଚହଲଙ୍କ ଅଭାବ ପରିଲକ୍ଷିତ ହେଉଛି। ଯଦି ତାଙ୍କୁ ଚୟନ କରାଯାଉ ନାହିଁ ତେବେ ସୁନ୍ଦରଙ୍କୁ ସାମିଲ କରାଯିବା କଥା। ହେଲେ ଦଳକୁ ବୋଧହୁଏ ଅନୁଭବୀ ବୋଲର ଆବଶ୍ୟକତା ଥିଲା, ଏଥିଲାଗି ଅଶ୍ୱିନଙ୍କୁ ସୁଯୋଗ ମିଳିଲା ବୋଲି ଯୁବରାଜ କହିଛନ୍ତି।
ଏହାଛଡ଼ା ଜସପ୍ରିତ ବୁମ୍ରା ଜଣେ ମ୍ୟାଚ୍ ବିଜେତା ଖେଳାଳି। ସେ ଦଳ ପାଇଁ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇବେ ବୋଲି ପ୍ରଶଂସା କରି କହିଛନ୍ତି।