ଆଇପିଏଲ ୨୦୨୦ର ଏକ ମ୍ୟାଚ୍ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର କୋଲକାତା ନାଇଟ ରାଇଡର୍ସକୁ ୮୨ ରନରେ ପରାସ୍ତ କରିଛି। ଏହି ମ୍ୟାଚରେ ଆରସିବି ପାଇଁ ପ୍ରଥମେ ଏବି ଡି ଭିଲିୟର୍ସ ଧୂଅଁାଧାର ବ୍ୟାଟିଂ ଏବଂ ପରେ ବୋଲରଙ୍କ ଭଲ ବୋଲିଂ ବଳରେ ଜିତିଥିଲା। ଆରସିବି ପକ୍ଷରୁ କ୍ରିସ ମରିସ ଏବଂ ୱାଶିଂଟନ ସୁନ୍ଦର ୨-୨ ଉଇକେଟ ନେଇଥିଲେ। ଲେଗ ସ୍ପିନର ୟୁଜବେନ୍ଦ୍ର ଚହଲ ମଧ୍ୟ ଭଲ ବୋଲିଂ କରିଥିଲେ। ୪ ଓଭରରେ ଚହଲ ମାତ୍ର ୧୨ ରନ ଦେଇ ଗୋଟିଏ ଉଇକେଟ ନେଇଥିଲେ। ଏହି ମ୍ୟାଚ ପରେ ୟୁଜବେନ୍ଦ୍ର ଚହଲ ତାଙ୍କ ଅଫିସିଆଲ ଟୁଇଟରରେ ଏକ ଫଟୋ ଶେୟାର କରିଛନ୍ତି। ଏହି ଫଟୋରେ ସେ କ୍ୟାପସନରେ ଲେଖିଛନ୍ତି, କେବଳ ଜଣେ ଖେଳାଳି ବିଶେଷ କିଛି କରିପାରିବ ନାହିଁ। ସମ୍ପୂର୍ଣ୍ଣ ଦଳର ପ୍ରଦର୍ଶନ ବିଜୟରେ ଗୁରୁତ୍ୱପୂର୍ଣ୍ଣ। ଚହଲଙ୍କ ଏହି ଟୁଇଟରେ ଭାରତୀୟ ଦଳର ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ୍ ଯୁବରାଜ ସିଂ ଏକ ମଜାଳିଆ ଉତ୍ତର ଦେଇଛନ୍ତି। ଯୁବରାଜ ଲେଖିଛନ୍ତି – ତୁମେ କାହାକୁ ମାରିବାକୁ ଦେଉ ନାହଁ! ଜଣାପଡୁଛିି ମୋତେ ପୁଣିଥରେ ପଡିଆକୁ ଫେରିବାକୁ ପଡିବ! ଚହଲ ଏହାର ଉତ୍ତରରେ କହିଛନ୍ତି ଭାଇ, ମୁଁ ୩ଟି ବଲରେ ୩ଟି ଛକା ମନେ ରଖିଛି। ସୂଚନାଯୋଗ୍ୟ, ୨୦୧୯ ଆଇପିଏଲରେ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳୁଥିବା ଯୁବରାଜ ସିଂ ଚହଲଙ୍କ ୩ଟି ବଲରୁ ୩ଟି ଛକା ମାରିଥିଲେ।