ଭାରତୀୟ କ୍ରିକେଟ ଦଳର ସ୍ପିନର ୟୁଜବେନ୍ଦ୍ର ଚହଲ ଆଜି ୩୦ ବର୍ଷରେ ପଦାର୍ପଣ କରିଛନ୍ତି। ଏହି ଅବସରରେ ତାଙ୍କୁ ସାଥୀ ଖେଳାଳି ଶୁଭେଚ୍ଛା ଜଣାଉଛନ୍ତି। ପୂର୍ବତନ ଅଲରାଉଣ୍ଡର ଯୁବରାଜ ସିଂ ଏକ ମଜାଦାର ପୋଷ୍ଟ କରି ଚହଲଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି। ଟୁଇଟରରେ ଉଭୟଙ୍କ ଫଟୋ ପୋଷ୍ଟ କରି ଯୁବରାଜ କହିଛନ୍ତି, ୟୁଜି ଚହଲ କିମ୍ବା ମୋତେ ତୁମକୁ ମିଷ୍ଟର ଚୁହା କହିବା ଉଚିତ୍। ଏହାସହ ଚହଲଙ୍କୁ ଓଜନ ବଢାଇବା ପାଇଁ ମଧ୍ୟ ପରାମର୍ଶ ଦେଇଛନ୍ତି ଯୁବରାଜ। ମଜାଦାର ଭିଡିଓ ଏବଂ କମେଣ୍ଟ ଜରିଆରେ ଦର୍ଶକଙ୍କ ମନୋରଞ୍ଜନ କରୁଥାଅ ବୋଲି ସେ କହିଛନ୍ତି। କରୋନା ଯୋଗୁ କ୍ରିକେଟ ସିରିଜ୍ ସ୍ଥଗିତ ଥିବାରୁ ଏବେ ଚହଲ ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରହୁଛନ୍ତି। ଅନେକ ସମୟରେ ମଜାଦାର ଭିଡିଓ ଶେୟାର କରି ନିଜ ପ୍ରଶଂସକ ମନୋରଞ୍ଜନ ମଧ୍ୟ ସେ କରିଥାନ୍ତି।
