ନୂଆଦିଲ୍ଲୀ,୯।୭: ବିଲଡରଙ୍କ ବିରୋଧରେ ଭାରତୀୟ କ୍ରିକେଟ ଦଳର ପୂର୍ବତନ ବ୍ୟାଟ୍ସମ୍ୟାନ ଯୁବରାଜ ସିଂଙ୍କୁ ଦିଲ୍ଲୀ ହାଇକୋର୍ଟରେ ପହଞ୍ଚିବାକୁ ପଡିଛି। ଯୁବରାଜ ସିଂଙ୍କ ଆବେଦନ ଉପରେ ଏକ ରିଏଲ ଇଷ୍ଟେଟ କମ୍ପାନୀକୁ ଦିଲ୍ଲୀ ହାଇକୋର୍ଟ ନୋଟିସ ଜାରି କରିଛନ୍ତି। ପୂର୍ବତନ ଭାରତୀୟ କିମ୍ବଦନ୍ତୀ ଏହି ସମସ୍ୟାର ସମାଧାନ ପାଇଁ ମଧ୍ୟସ୍ଥି ନିଯୁକ୍ତ କରିବାକୁ ଦାବି କରିଛି।
ଜଷ୍ଟିସ ସି. ହରିଶଙ୍କର ୟୁବିଙ୍କ ଆବେଦନ ଶୁଣାଣି କରି ବ୍ରିଲିଆଣ୍ଟ ଇଟୋଏଲ ପ୍ରାଇଭେଟ ଲିମିଟେଡଠାରୁ ଜବାବ ମାଗିଛନ୍ତି। ଯୁବରାଜ ବ୍ୟକ୍ତିତ୍ୱ ଅଧିକାରର ଉଲ୍ଲଂଘନ ଏବଂ ଫ୍ଲାଟ ବିତରଣରେ ବିଳମ୍ବ କରିଥିବା ଅଭିଯୋଗ କରିଛନ୍ତି।
୨୦୨୧ରେ ଯୁବରାଜ ଦିଲ୍ଲୀର ହାଉଜ ଖାସରେ ବ୍ରିଲିଆଣ୍ଟ ଇଟୋଏଲ ପ୍ରାଇଭେଟ ଲିମିଟେଡ ରେ ଏକ ଫ୍ଲାଟ ବୁକ କରିଥିଲେ। ସେତେବେଳେ ଫ୍ଲାଟର ମୂଲ୍ୟ ପ୍ରାୟ ୧୪.୧୦ କୋଟି ଟଙ୍କା ବୋଲି କୁହାଯାଉଥିଲା। ନଭେମ୍ବର ୨୦୨୩ରେ ସେ ଫ୍ଲାଟ ପାଇଥିଲେ, କିନ୍ତୁ ଯେତେବେଳେ ସେ ଫ୍ଲାଟକୁ ଦେଖିଲେ, ଏହାର ଗୁଣବତ୍ତା ନିମ୍ନମାନର ଥିଲା।
ୟୁଭି କହିଛନ୍ତି, ବିଲଡର ଫିଟିଙ୍ଗର ଗୁଣବତ୍ତା, ସାଜସଜ୍ଜା, ଆଲୋକୀକରଣ ନିମ୍ନମାନର କରିଛନ୍ତି। ଏହି କାରଣରୁ ଯୁବରାଜ ଫ୍ଲାଟ ହସ୍ତାନ୍ତର କରିବାରେ ବିଳମ୍ବ ଏବଂ ଏଥିରେ ଖରାପ ଗୁଣାତ୍ମକ ସାମଗ୍ରୀର ବ୍ୟବହାର ପାଇଁ କ୍ଷତିପୂରଣ ମାଗିଥିଲେ। ବିଲଡର ଏମଓୟୁ ସର୍ତ୍ତାବଳୀ ଉଲ୍ଲଂଘନ କରିଛନ୍ତି ବୋଲି ୟୁଭି କହିଛନ୍ତି।
