ଆଜି ଭାରତୀୟ କ୍ରିକେଟର୍ ବିରାଟ କୋହଲି ୩୬ ବର୍ଷରେ ପଦାର୍ପଣ କରିଛନ୍ତି। ଏହି ଦିନରେ ବିରାଟ କୋହଲିଙ୍କୁ କିଛି ଦେବା ପରିବର୍ତ୍ତେ ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ ଯୁବରାଜ ସିଂ ତାଙ୍କୁ ଏକ ଜିନିଷ ମାଗିଛନ୍ତି। ଯୁବରାଜ ସିଂ ତାଙ୍କ ଜନ୍ମଦିନର ଅଭିନନ୍ଦନ ବାର୍ତ୍ତାରେ ବିରାଟ କୋହଲିଙ୍କ ଠାରୁ ଏକ ବଡ଼ ଇନିଂସ ଦାବି କରିଛନ୍ତି।
ବିରାଟ କୋହଲିଙ୍କ ସୋସିଆଲ ମିଡିଆରେ ପୋଷ୍ଟରେ ଯୁବରାଜ ଲେଖିଛନ୍ତି,ଜନ୍ମଦିନର ଅନେକ ଅନେକ ଶୁଭେଚ୍ଛା। ଅନେକ ନିରାଶା ପରେ ଆଶା ସୃଷ୍ଟି ହୁଏ। ସମାନ ଆଶା ସହିତ ସମଗ୍ର ବିଶ୍ୱ ତୁମ ଆଡକୁ ଚାହିଁ ବସିଛି। ତୁମେ ପୂର୍ବରୁ ଏହିପରି ଆଶା ପୂରଣ କରିସାରିଛ ଏବଂ ମୁଁ ନିଶ୍ଚିତ ଯେ ତୁମେ ଏଥର ମଧ୍ୟ ସମାନ କାର୍ଯ୍ୟ କରିବ।
ଯଦିଓ ଯୁବରାଜ ସିଂ ତାଙ୍କ ଅଭିନନ୍ଦନ ବାର୍ତ୍ତାରେ ସିଧାସଳଖ କିଛି ଲେଖି ନାହାଁନ୍ତି, ତଥାପି ତାଙ୍କ ଶବ୍ଦର ଅର୍ଥରୁ ସ୍ପଷ୍ଟ ଯେ ବିରାଟ ବଡ଼ ଇନିଂସ ଖେଳିବା ଏବଂ ସାରା ବିଶ୍ୱରେ ପ୍ରଶଂସକଙ୍କ ଅପେକ୍ଷାକୁ ଶେଷ କରିବା ଉଚିତ୍।