ସମ୍ବଲପୁର,୨୧। ୧(ବ୍ୟୁରୋ): ଆନ୍ଧ୍ରପ୍ରଦେଶର ବିଶାଖାପଟନମଠାରେ ଆୟୋଜିତ ବାଳିକା ଓ ବାଳକ ତୀରନ୍ଦାଜୀ ପ୍ରତିଯୋଗିତାରେ ସମ୍ବଲପୁର ଜିଲା ଯୁଯୁମୁରା ବ୍ଲକର ଭଉଣୀଭାଇଙ୍କ ସମେତ ୩ଜଣ ସଫଳତା ହାସଲ କରିଛନ୍ତି। ସେମାନେ ହେଲେ ରିକର୍ଭ ରାଉଣ୍ଡରେ ୭୨୦ ପଏଣ୍ଟରୁ ୬୭୭ ହାସଲ କରିଥିବା ଅର୍ଣବ କୁମାର ଦେହୁରି, ଇଣ୍ଡିଆନ ରାଉଣ୍ଡରେ ୭୨୦ ପଏଣ୍ଟରୁ ୬୬୯ ହାସଲ କରିଥିବା ଭଉଣୀ ଅନ୍ବେଷା ଦେହୁରି ଓ ୭୨୦ ପଏଣ୍ଟରୁ ୬୪୨ ସ୍କୋର କରିଥିବା ଖୁସବୁ ହସପୂର୍ତ୍ତି। ଓଡ଼ିଶାର ୭ ଜଣ ଖେଳାଳି ପ୍ରତିଯୋଗିତାରେ ଭାଗ ନେଇଥିଲେ। ସର୍ବଭାତୀୟ ର଼୍ୟାଙ୍କରେ ଅର୍ଣ୍ଣବ ୯ତମ ସ୍ଥାନରେ ରହିଛନ୍ତି। ପୂର୍ବରୁ ମଧ୍ୟ ଯୁଯୁମୁରା ଅଞ୍ଚଳର ଏହି ଭଉଣୀଭାଇ ରାଜ୍ୟ ବାହାରେ ବିଭିନ୍ନ ସ୍ଥାନରେ ଆୟୋଜିତ ପ୍ରତିଯୋଗିତାରେ ଭାଗ ନେଇ କୃତିତ୍ୱ ହାସଲ କରିଛନ୍ତି। ସୂଚନାଯୋଗ୍ୟ, ଏନ୍ଟିପିିସି ପକ୍ଷରୁ ୫ତମ ଭୋଲଗା ମେମୋରିଆଲ କିଡ୍ସ ତୀରନ୍ଦାଜ ପ୍ରତିଯୋଗିତା ଜାନୁୟାରୀ ୧୩ରୁ ୧୬ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା।