ଭାରତୀୟ କ୍ରିକେଟ ଦଳର ଜଣେ ଗୁରୁତ୍ୱପୂର୍ଣ୍ଣ ସ୍ପିନର ହେଉଛନ୍ତି ୟୁଜବେନ୍ଦ୍ର ଚହଲ। ୨୦୧୬ରେ ପ୍ରଥମଥର ଦେଶ ପାଇଁ ଖେଳିବାର ସୁଯୋଗ ପାଇଥିଲେ। ସେ ୨୦୧୬ ଜୁନ ୧୧ରେ ଏକଦିବସୀୟ ମ୍ୟାଚ୍ରେ ଡେବ୍ୟୁ କରିଥିଲେ। ଏହାପରେ ଜୁନ୍ ୧୮ ପ୍ରଥମ ଟି-୨୦ମ୍ୟାଚ୍ ଖେଳିଥିଲେ। ନିକଟରେ ଏକ ୟୁଟ୍ୟୁବ୍ ଚ୍ୟାନେଲ୍କୁ ସାକ୍ଷାତକାର ଦେଇ ଚହଲ ଧୋନୀଙ୍କ ବିଷୟରେ ଏକ ଖୁଲାସା କରିଛନ୍ତି। ଡେବ୍ୟୁ ମ୍ୟାଚ୍ କ୍ୟାପ୍ ତାଙ୍କୁ ମହେନ୍ଦ୍ର ସିଂ ଧୋନୀ ଦେଇଥିଲେ। ମହାନ ଖେଳାଳିଙ୍କଠାରୁ କ୍ୟାପ୍ ପାଇ ମୋ ପାଟିରୁ କଥା ବାହାରୁ ନ ଥିଲା। ଜିମ୍ବାଓ୍ବେ ବିପକ୍ଷ ମ୍ୟାଚ୍ରେ ପ୍ରଥମ ଥର ପଡିଆକୁ ଓହ୍ଲାଇବା ପରେ ମୁଁ ମାହି ସାର୍ ମାହି ସାର୍ କହି ଡାକୁଥିଲି। ୨ ଓଭର୍ ପରେ ସେ ମୋତେ ପାଖକୁ ଡାକି କହିଲେ, ମାହି, ଧୋନୀ, ମହେନ୍ଦ୍ର ସିଂ ଧୋନୀ ଏବଂ ଭାଇ ଯାହା ଡାକିବାର ଅଛି ଡାକ କିନ୍ତୁ ସାର୍ ଡାକନି। ସେହି ସମୟରେ ମୁଁ କହିଲି ଓକେ ସାର୍। ସେ ମୋତେ କହିଲେ ଯାଅ ତୁମ ଦ୍ୱାରା କିଛି ହେବ ନାହିଁ।