ଭାରତୀୟ କ୍ରିକେଟର୍ ୟୁଜବେନ୍ଦ୍ର ଚହଲ ଆଜି ୩୧ ବର୍ଷରେ ପଦାର୍ପଣ କରିଛନ୍ତି। ସେ ଜୁଲାଇ ୨୩, ୧୯୯୦ରେ ଜନ୍ମଗ୍ରହଣ କରିଥିଲେ। ସୋସିଆଲ ମିଡିଆରେ ତାଙ୍କୁ ଶୁଭେଚ୍ଛାର ସୁଅ ଛୁଟିଛି। ଖୁବ୍ କମ୍ ଲୋକ ଜାଣିଥିଲେ ଚହଲ କ୍ରିକେଟ୍ର ହେବା ପୂର୍ବରୁ ଜଣେ ଚେସ୍ ଚାମ୍ପିଅନ୍ ଥିଲେ। ଏପରିକି ସେ ଚେସ୍ ଜୁନିଅର୍ ଦଳରେ ଭାରତର ପ୍ରତିନିଧିତ୍ୱ କରିଥିଲେ। ସେ ପ୍ରଥମଥର ପାଇଁ ୨୦୦୯ରେ କୁଚ ବିହାର ଅଣ୍ଡର-୧୯ ଟ୍ରଫିରେ ୩୪ ଉଇକେଟ୍ ନେଇ ସମସ୍ତଙ୍କ ଧ୍ୟାନ ଆକର୍ଷଣ କରିଥିଲେ। ସେହି ବର୍ଷ ସେ ହରିୟାଣା ପାଇଁ ପ୍ରଥମ ଶ୍ରେଣୀ କ୍ରିକେଟ୍ ଖେଳିବା ଆରମ୍ଭ କରିଥିଲେ ଏବଂ ଆଇପିଏଲ୍ରେ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳିଥିଲେ। ଏହାପରେ ସେ ପଛକୁ ଫେରି ଚାହିଁ ନ ଥିଲେ।
ଚହଲଙ୍କ ଜନ୍ବଦିନ ଅବସରରେ ସ୍ତ୍ରୀ ଧନଶ୍ରୀ ବର୍ମା ଖାସ୍ ଅନ୍ଦାଜରେ ଶୁଭେଚ୍ଚା ଜଣାଇଛନ୍ତି। ଇନ୍ଷ୍ଟାଗ୍ରାମରେ ସ୍ବାମୀଙ୍କ ସହ ଏକ ଫଟୋ ଶେୟାର କରି ସେ କହିଛନ୍ତି, ତୁମେ ଦୟାଳୁ, ସାହାଯ୍ୟକାରୀ, ବିନମ୍ର, ନିଃସ୍ବାର୍ଥପର ଭାବରେ ଯିଏ କଥା କହେ, ସେ ହେଉଛନ୍ତି ୟୁଜବେନ୍ଦ୍ର ଚହଲ। ନିଜ ସଫଳତାକୁ ନେଇ କୌଣସି ଗର୍ବ ନାହିଁ। ଏତେ ବଡ ଶିଖରରେ ପହଞ୍ଚିବା ସହଜ କଥା ନୁହେଁ। ତୁମେମାନେ ଦେଶ ପାଇଁ ଯାହା କର, ତାହା ପ୍ରଶଂସାଯୋଗ୍ୟ। ତୁମ ହୃଦୟ ବହୁତ ବଡ, ମୁଁ ତୁମଠାରୁ ବହୁତ କିଛି ଶିଖିଛି ବୋଲି। ତୁମ ପାଇଁ ମୁଁ ସର୍ବଦା ଗର୍ବିତ ବୋଲି ସେ କହିଛନ୍ତି। ଗତ ଡିସେମ୍ବରରେ ଚହଲ ଏବଂ ଧନଶ୍ରୀ ବିବାହ ବନ୍ଧନରେ ଆବଦ୍ଧ ହୋଇଥିଲେ।
