ନୂଆଦିଲ୍ଲୀ,୩।୩: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ଲେଗ୍ ସ୍ପିନ ବୋଲିଂ ପାଇଁ ପ୍ରସିଦ୍ଧ, କିନ୍ତୁ ସୋସିଆଲ ମିଡିଆରେ ତାଙ୍କର ମଜାଳିଆ ଭିଡିଓ ମଧ୍ୟ ପ୍ରଶଂସକଙ୍କୁ ମନୋରଞ୍ଜନ କରିଥାଏ। ତାଙ୍କ ସ୍ତ୍ରୀ ଧନଶ୍ରୀ ବର୍ମା ରିୟଲିଟି ଟିଭି ସୋ ‘ଝଲକ ଦିଖଲା ଜା’ର ସିଜନ ୧୧ର ପ୍ରତିଯୋଗୀ ହୋଇଥିବାରୁ ଏକ ପାର୍ଟୀରେ ଚହଲଙ୍କୁ ଦେଖିବାକୁ ମିଳିଥିଲା। ଅନ୍ୟ ପଟେ ଭାରତୀୟ ମହିଳା ରେସଲର ସଙ୍ଗୀତା ଫୋଗଟ ମଧ୍ୟ ଏହି ଶୋ’ର ଏକ ଅଂଶ। ‘ଝଲକ ଦିଖଲା ଜା’ର ଏକ ପାର୍ଟି ସହ ଜଡିତ ଏକ ଭିଡିଓ ସାମ୍ନାକୁ ଆସିଛି। ଏଥିରେ ଦେଖିବାକୁ ମିଳିଛି ଯେ, ସଙ୍ଗୀତା ୟୁଜବେନ୍ଦ୍ର ଚହଲଙ୍କୁ କାନ୍ଧରେ ବୋହି ନେଉଛନ୍ତି।
ସୋସିଆଲ ମିଡିଆରେ ‘ଝଲକ ଦିଖଲା ଜା’ର ଏକ ପାର୍ଟିର ଏକ ଭିଡିଓ ସାମ୍ନାକୁ ଆସିଛି। ଏଥିରେ ସଙ୍ଗୀତା ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲଙ୍କୁ କାନ୍ଧରେ ନେଇ ବୁଲୁଛନ୍ତି। ଚହଲଙ୍କ ମୁହଁରେ ଆତଙ୍କ ସ୍ପଷ୍ଟ ଭାବରେ ଦେଖିବାକୁ ମିଳେ, ଯିଏ ସଙ୍ଗୀତାକୁ ତାଙ୍କୁ ଓହ୍ଲାଇବାକୁ ଅନୁରୋଧ କରୁଥିବାର ଦେଖାଯାଏ।
ଚହଲଙ୍କ ସ୍ତ୍ରୀ ଧନଶ୍ରୀ ବର୍ମା ସିଜିନ ୧୧ର ୫ ଫାଇନାଲିଷ୍ଟଙ୍କ ମଧ୍ୟରୁ ଜଣେ ଏବଂ ସାଗର ବୋରା ଏହି ସିଜିନ୍ରେ ତାଙ୍କର ଡ୍ୟାନ୍ସ ପାର୍ଟନର।