ଭାରତୀୟ କ୍ରିକେଟ ଦଳର ଷ୍ଟାର ସ୍ପିନର ୟୁଜବେନ୍ଦ୍ର ଚହଲ ପ୍ରସିଦ୍ଧ କୋରିଓଗ୍ରାଫର ତଥା ୟୁଟ୍ୟୁବର ଧନଶ୍ରୀ ବର୍ମାଙ୍କ ସହ ବିବାହ ପରେ ଦୁବାଇରେ ହନିମୁନ୍ ମନାଉଛନ୍ତି। ହନିମୁନ୍ ସମୟରେ କିଛି ଫଟୋ ଦମ୍ପତି ନିଜର ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଶେୟାର କରିଛନ୍ତି। କିନ୍ତୁ ଚହଲ, ଧନଶ୍ରୀଙ୍କ ହନିମୁନ୍ ସମୟରେ ତାଙ୍କସହ ଅନ୍ୟ ଜଣେ ଯୁବତୀଙ୍କୁ ଦେଖିବାକୁ ମିଳୁଛି। ଉକ୍ତ ଝିଅର ଫଟୋ ନିଜେ ଧନଶ୍ରୀ ପୋଷ୍ଟ କରିଛନ୍ତି। ଏହି ତୃତୀୟ ଯୁବତୀ ଜଣଙ୍କ ନୀଳ ରଙ୍ଗର ପୋଷାକ ପିନ୍ଧିଥିବା ବେଳେ ଆଖିରେ ଚଷମା ଲଗାଇ ଚହଲ-ଧନଶ୍ରୀଙ୍କ ସହ ସେଲ୍ଫି ନେଉଥିବା ଦେଖିବାକୁ ମିଳୁଛି। ଉଭୟଙ୍କ ଏହି ଫଟୋରେ ହଜାର ହଜାର ପ୍ରଶଂସକ ନିଜର ପ୍ରତିକ୍ରିୟା ଦେଉଛନ୍ତି। କେହି କେହି ଦମ୍ପତିଙ୍କର ପ୍ରଶଂସା କରୁଥିବା ବେଳେ ଆଉ କେହି ମ୍ୟାଚ ଖେଳିବ ନାହିଁ କି ବୋଲି ଚହଲଙ୍କୁ ପ୍ରଶ୍ନ କରୁଛନ୍ତି।