ଇସଲାମାବାଦ,୮।୧୦: ଭାରତ ବିରୋଧରେ ବିଷ ଓଗାଳୁ ଥିବା ଜାକିର ନାୟକ ବର୍ତ୍ତମାନ ପାକିସ୍ତାନ ଗସ୍ତରେ ଅଛନ୍ତି। ସେ ୨୮ଅକ୍ଟୋବର ପର୍ଯ୍ୟନ୍ତ ପାକିସ୍ତାନରେ ରହିବାକୁ ଯାଉଛନ୍ତି। ତେବେ ଜାକିର ନାୟକ ପାକିସ୍ତାନର ଆତିଥ୍ୟକୁ ଅଧିକ ପସନ୍ଦ କରି ନାହାଁନ୍ତି।
ସୂଚନାଯୋଗ୍ୟ, ମାଲେସିଆରୁ ୧୦୦୦ କିଲୋଗ୍ରାମ ସାମଗ୍ରୀ ନେଇ ସେ ପାକିସ୍ତାନରେ ପହଞ୍ଚିଥିଲେ। ପାକିସ୍ତାନ ଏୟାରଲାଇନ୍ସ ତାଙ୍କ ଲଗେଜ ପାଇଁ କୌଣସି ଶୁଳ୍କ ଆଦାୟ କରିବ ନାହିଁ ବୋଲି ସେ ଭୁଲ ଧାରଣା ଦେଇଥିଲେ, କିନ୍ତୁ ପାକିସ୍ତାନ ଏୟାରଲାଇନ୍ସ ତାଙ୍କୁ କେବଳ ଲଗେଜରେ ୫୦ପ୍ରତିଶତ ରିହାତି ପ୍ରଦାନ କରିଥିଲା। ଜାକିର ନାୟକ ଏହାକୁ ପସନ୍ଦ କରୁନଥିଲେ।
ଜାକିର କହିଛନ୍ତି, ଯେତେବେଳେ ମୁଁ ପାକିସ୍ତାନ ଆସୁଥିଲି, ସେତେବେଳେ ଆମର ଲଗେଜ ୧୦୦୦ କିଲୋଗ୍ରାମ ଥିଲା। ମୁଁ ପିଆଇଏର ସିଇଓଙ୍କ ସହ କଥା ହେଲି। ଷ୍ଟେଶନ ମ୍ୟାନେଜର କହିଥିଲେ ଯେ ସେ ମୋ ପାଇଁ କିଛି କରିବାକୁ ପ୍ରସ୍ତୁତ ଅଛନ୍ତି। ତଥାପି ଯେତେବେଳେ ମୁଁ ସେମାନଙ୍କୁ କହିଲି ଯେ ମୋର ଅଛି ୫୦୦ରୁ ୬୦୦ କିଲୋଗ୍ରାମ ଅତିରିକ୍ତ ଲଗେଜ ଏବଂ ମୋ ସହିତ ୬ଜଣ ଲୋକ ଅଛନ୍ତି, ସେମାନେ ମୋତେ ୫୦ପ୍ରତିଶତ ରିହାତି ଦେବାକୁ କହିଥିଲେ।ହେଲେ ମୁଁ ରିହାତି ନେବାକୁ ମନା କରି ଦେଇଥିଲି।
ଏଥି ସହିତ ଜାକିର ନାୟକ କହିଛନ୍ତି ଯେ ଯେତେବେଳେ ଜଣେ ଅଣ-ମୁସଲମାନ ତାଙ୍କୁ ଭାରତରେ ଦେଖନ୍ତି, ସେତେବେଳେ ସେ ତାଙ୍କୁ ମାଗଣାରେ ଯିବାକୁ ଦିଅନ୍ତି। ସେ କହିଛନ୍ତି, ଭାରତର ଲୋକମାନେ ଡ଼. ଜାକିର ନାୟକଙ୍କୁ ଦେଖିଲେ ୧୦୦୦ ରୁ ୨୦୦୦ କିଗ୍ରା ଅତିରିକ୍ତ ସାମଗ୍ରୀ ଛାଡି ଦିଅନ୍ତି। କିନ୍ତୁ ମୁଁ ପାକିସ୍ତାନ ସରକାରଙ୍କ ଅତିଥି, ତଥାପି ପାକିସ୍ତାନ ଏୟାରଲାଇନ୍ସ ମୋର ଲଗେଜ ପାଇଁ ଟଙ୍କା ନେଉଛି। ବିବାଦୀୟ ଇସଲାମ ପଣ୍ଡିତ ଦାବି କରିଛନ୍ତି ଯେ ପାକିସ୍ତାନ ଏୟାରଲାଇନ୍ସ ତାଙ୍କୁ ପ୍ରତି ୧ କିଲୋଗ୍ରାମରୁ ଅଧିକ ଲଗେଜ ପାଇଁ ୧୦୧ମାଲେସିଆ ରିଙ୍ଗିଟ (ପ୍ରାୟ ୨,୧୩୭ ଟଙ୍କା) ଚାର୍ଜ କରିଛି।
ଜାକିର ନାୟକ ଏହି କଥାକୁ ଏକ ଖୋଲା ପ୍ଲାଟଫର୍ମ ମାଧ୍ୟମରେ ବିଶ୍ୱକୁ ଜଣାଇଛନ୍ତି। ଏଥି ସହିତ ସେ କହିଥିଲେ ଯେ ଯଦି ମୁଁ ଭାରତରେ ବାସ କରିଥା’ନ୍ତି, ତେବେ ସେଠାରେ ଥିବା କୌଣସି ହିନ୍ଦୁ କହିଥାଆନ୍ତେ ଯେ ସେ ଜାକିର ନାୟକ। ସେ ଯାହା ବି କୁହନ୍ତି, ସେ ସତ କହିବେ ଏବଂ ସତ୍ୟ ବ୍ୟତୀତ ଆଉ କିଛି କହିବେ ନାହିଁ। ସେ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦି ଭୁଲ ହୋଇପାରନ୍ତି, କିନ୍ତୁ ଭାରତ ନୁହେଁ।
ଜାକିର ନାୟକ ୨୦୧୬ରେ ଭାରତ ଛାଡି ପଳାଇଥିଲେ। ସେବେଠାରୁ ସେ ମାଲେସିଆରେ ରୁହନ୍ତି। ତେବେ ମାଲେସିଆରୁ ତାଙ୍କ ପ୍ରତ୍ୟର୍ପଣ ପାଇଁ ଭାରତ ଅନୁରୋଧ କରିଛି। ଭାରତ ଜାକିର ନାୟକଙ୍କୁ ପଳାତକ ଘୋଷଣା କରିଛି।