ଓ୍ବାଶିଂଟନ, ୬।୩ : ୟୁକ୍ରେନ୍ ଉପରେ ରୁଷିଆର ଆକ୍ରମଣ ଜାରି ରହିଛି। ଏହାକୁ ବିରୋଧ କରି ରୁଷିଆରେ ଜାରା, ପେପଲ୍ ଏବଂ ସାମସଙ୍ଗ୍ ନିଜ ନିଜ କାରବାର ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି। ଅନ୍ ଲାଇନ୍ ପେମେଣ୍ଟ କମ୍ପାନୀ ପେପଲ ଏହାର ସେବାକୁ ବନ୍ଦ କରିବାକୁ ଘୋଷଣା କରିଛି। ସେହିପରି ରୁଷିଆରେ ସ୍ମାର୍ଟଫୋନ କାରବାର କରୁଥିବା ସାମସଙ୍ଗ ଏହାର କାରବାରକୁ ବନ୍ଦ କରିବାକୁ ସୂଚନା ଦେଇଛି। ସେହିପରି ଜାରା ମଧ୍ୟ ରୁଷିଆରେ କାରବାର ବନ୍ଦ କରିବାକୁ କହିଛି।
ପୋଷାକ ରିଟେଲର ଇଣ୍ଡିଟେକ୍ସ୍ ଏହାର ର୍ବେଶାକା, ଷ୍ଟାଡିଭାରିଅସ୍ ଏବଂ ଓୟୋସୋ ଆଦି ୮ ବ୍ରାଣ୍ଡ୍ର ୫୦୨ ଷ୍ଟୋର୍କୂ ବନ୍ଦ କରିଛି। ଏହା ସହିତ ଆପଲ, ଏଚ୍ ଆଣ୍ଡ୍ ଏମ୍, ଆଇକିଆ,ରୋଲ୍ସ ରୋଏସ,ବୁର୍ବେରୀ ,ଜାଗୁଆର ଲ୍ୟାଣ୍ଡ ରୋଭର , ଜେନେରାଲ ମୋଟର୍ସ,ଆଷ୍ଟନ ମାର୍ଟିନ,ନେଟଫ୍ଲିକ୍ସ ପ୍ରଭୃତି ବିଶ୍ୱସ୍ତରୀୟ ବ୍ରାଣ୍ଡଗୁଡିକ କାରବାର ବନ୍ଦ କରିଛନ୍ତି।
ବ୍ୟାଙ୍କ ରିସର୍ଚ୍ଚର ବିଶ୍ଳେଷକ ଆଡାମ କୋଚ୍ରେନ ରଏଟର୍ସକୁ କହିଛନ୍ତି ଯେ ଲଜିଷ୍ଟିକ ଅସୁବିଧା ଏବଂ ରୁଷିଆ ମୁଦ୍ରା ରୁବେଲ ଦୁର୍ବଳ ହେବାରେ ଲାଗିଛି। ଫଳରେ ରୁଷିଆରେ ଗ୍ରାହକଙ୍କ ପାଇଁ ମୂଲ୍ୟ ବୃଦ୍ଧି ଯୋଗୁ ଆମଦାନୀ କରୁଥିବା ସମସ୍ତ ଖୁଚୁରା ବ୍ୟବସାୟୀଙ୍କ ଲାଗି କାରବାର କରିବା କଷ୍ଟସାଧ୍ୟ ହେବ।
ଅନ୍ଲାଇନ ପେମେଣ୍ଟ କମ୍ପାନୀ ପେପଲ ଏହାର ସେବା ବନ୍ଦ କରିଦେଇଛି। କିନ୍ତୁ ଏହା କିଛି ସମୟ ପାଇଁ ଓ୍ବିଥଡ୍ରାଲରେ ସହଯୋଗ କରିବ ବୋଲି କହିଛି।