ପ୍ରତ୍ୟେକ ଦିନ ସୋସିଆଲ ମିଡିଆରେ କିଛିନା କିଛି ଭିଡିଓ ଏବଂ ଫଟୋ ଭାଇରାଲ ହୋଇଥାଏ। ସେଥିରୁ କେତେକ ଭିଡିଓ ଏବଂ ଫଟୋ ହସର ଖୋରାକ ଯୋଗାଉଥିବା ବେଳେ କେତେକ ଭାବପ୍ରବଣ କରିଦିଏ। ସେହିଭଳି ଟୁଇଟରରେ ଏବେ ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି। ଯେଉଁଥିରେ ଏକ ଭୋକିଲା ବାଘ ମୁହଁରୁ ଗାଟିଏ ଜେବ୍ରା ଅନ୍ୟ ଏକ ଜେବ୍ରାକୁ ଛଡାଇ ଆଣିଛି। ପ୍ରଥମ ଦେଖିବାକୁ ମିଳୁଛି ଗୋଟିଏ ଜେବ୍ରାକୁ ବାଘ ଆକ୍ରମଣ କରୁଛି। ପରେ ଅନ୍ୟ ଗୋଟିଏ ଜେବ୍ରା ଏହା ଦେଖିପାରି ବାଘକୁ ପାଲଟା ଆକ୍ରମଣ କରି ସାଙ୍ଗକୁ ତା ମୁହଁରୁ ଛଡାଇ ଆଣୁଛି। ପରେ ବାଘ ତାକୁ ମାଡ଼ିବସିବାରୁ ସେ ପଛୁଆ ବାଘ ମୁହଁକୁ ଗୋଇଠା ପକାଇଛି। ବାଘ ଏଥିରେ ଚମକି ପଡ଼ିଥିବା ଦୃଶ୍ୟ ମଧ୍ୟ ଦେଖିବାକୁ ମିଳୁଛି।
ଭିଡିଓକୁ ଭାରତୀୟ ବନସେବା ଅଧିକାରୀ ସୁଶାନ୍ତ ନନ୍ଦ ତାଙ୍କ ଟୁଇଟରରେ ଶେୟାର କରିଛନ୍ତି। ଏହି ଭିଡିଓଟି ଅଧିକ ଭାଇରାଲ ହେବାରେ ଲାଗିଛି।