ଦୁବାଇ,୧୬।୭: ଟି-୨୦ ବିଶ୍ୱକପରେ ସ୍ଥାନ ସୁରକ୍ଷିତ କରିଛି ଜିମ୍ବାଓ୍ବେ ଏବଂ ନେଦରଲ୍ୟାଣ୍ଡ୍ସ। ଆମେରିକାକୁ ପରାସ୍ତ କରି ନେଦରଲ୍ୟାଣ୍ଡ୍ସ ଟି୨୦ ବିଶ୍ୱକପରେ ସ୍ଥାନ ସୁରକ୍ଷିତ କରିଥିବା ବେଳେ ଆୟୋଜକ ଜିମ୍ବାଓ୍ବେ ପପୁଆ ନ୍ୟୁଗିନିକୁ ପରାସ୍ତ କରିଥିଲା। ଆମେରିକା ବିପକ୍ଷ ମ୍ୟାଚରେ ନେଦରଲ୍ୟାଣ୍ଡ୍ସ ପ୍ରଥମେ ବୋଲିଂ କରିଥିଲା। ଆମେରିକା ୧୯.୪ ଓଭରର ୧୩୮ ର୍ରେ ଅଲଆଉଟ ହେବା ପରେ ମ୍ୟାଚକୁ ୭ ଉଇକେଟରେ ଜିତି ନେଇଥିଲା ନେଦରଲ୍ୟାଣ୍ଡ୍ସ।
ଅନ୍ୟ ପକ୍ଷରେ ଘରୋଇ ଜିମ୍ବାଓ୍ବେ ୨୭ ରନ୍ରେ ପପୁଆ ନ୍ୟୁ ଗିନିକୁ ପରାସ୍ତ କରିଥିଲା। ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଜିମ୍ବାଓ୍ବେକୁ ଏକ ଭଲ ଆରମ୍ଭ ଦେଇଥିଲେ ରେଗିସ୍ ଚାକାଭା ଓ କ୍ରେଗ୍ ଏର୍ଭିନ୍। ୧୯ ବଲରୁ ୩୦ ରନ୍ କରି ସେ ଆଉଟ ହୋଇଥିଲେ। କ୍ରେଗ୍ ଏର୍ଭିନ୍ ୩୮ ରନ୍ କରିଥିବା ବେଳେ ମାଧେଭୀର ସର୍ବାଧିକ ୪୨ ରନ୍ କରିଥିଲେ । ନିର୍ଦ୍ଧାରିତ ଓଭରରେ ଜିମ୍ବାଓ୍ବେ ୫ ଉଇକେଟ ହରାଇ ୧୯୯ ରନ୍ କରିଥିଲା। ଜବାବରେ ପପୁଆ ନ୍ୟୁ ଗିନି ୧୭୨ରନ୍ରେ ସୀମିତ ରହିବା ସହ ଜିମ୍ବାଓ୍ବେକୁ ମିଳି ଥିଲା ବିଶ୍ୱକପ ଟିକେଟ।
