ନୂଆଦିଲ୍ଲୀ: ଏବେ ଟି-୨୦ ବିଶ୍ୱ କପ୍ ଚାଲୁଥିବାବେଳେ ଜଣେ ପାକିସ୍ତାନୀ ଅଭିନେତ୍ରୀଙ୍କ ବିବାଦୀୟ ଟୁଇଟ୍ ସାମ୍ନାକୁ ଆସିଛି। ଅଭିନେତ୍ରୀ ଶେହର ସିନୱାରୀ ତାଙ୍କ ଟୁଇଟ୍ରେ ଭାରତ ଏବଂ ଜିମ୍ବାୱେ ମଧ୍ୟରେ ହେବାକୁ ଥିବା ମ୍ୟାଚ୍ ବାବଦରେ ଟିପ୍ପଣୀ ଦେଇଛନ୍ତି। ସେ ଲେଖିଛନ୍ତି, ଭାରତ ଏବଂ ଜିମ୍ବାୱେ ମଧ୍ୟରେ ହେବାକୁ ଥିବା ମ୍ୟାଚରେ ଯଦି ଭାରତ ହାରିଯାଏ, ତେବେ ସେ ଜିମ୍ବାୱେର ଜଣେ କ୍ରିକେଟରଙ୍କୁ ବିବାହ କରିବେ। ତାଙ୍କ ଏହି ଟୁଇଟ୍ ନେଇ ସେ ଟ୍ରୋଲ ହୋଇଛନ୍ତି। ତେବେ ତୁମର ବିବାହ ହୋଇ ପାରିବନି ବୋଲି ଜଣେ ୟୁଜର ତାଙ୍କ ଟୁଇଟ୍ରେ କମେଣ୍ଟ କରିଛନ୍ତି। ଭାରତ ବାଂଲାଦେଶକୁ ହରାଇଲେ ସେ ତାଙ୍କ ଟୁଇଟର ଆକାଉଣ୍ଟ ଡିଲିଟ୍ କରିଦେବେ ବୋଲି ସିନୱାରୀଙ୍କ ପୂର୍ବରୁ ଏକ ଟୁଇଟ୍ କରିଥିବା ନେଇ ଆଉ ଜଣେ ୟୁଜର ତାଙ୍କୁ ଟ୍ରୋଲ କରିଛନ୍ତି। ଏପରି ଅନେକ ୟୁଜର ତାଙ୍କୁ ବିଭିନ୍ନ ପ୍ରକାରର ଟ୍ରୋଲ କରିଥିବା ଦେଖିବାକୁ ମିଳିଛି। ତେବେ ରବିବାର ଭାରତ ଏବଂ ଜିମ୍ବାୱେ ମଧ୍ୟରେ କଡା ଟକ୍କର ହେବାକୁ ଯାଉଛି। ଏଥିପାଇଁ ଅନେକେ ଉତ୍ସାହିତ ଅଛନ୍ତି।