ନୂଆଦିଲ୍ଲୀ,୫।୧: ମାତ୍ର ୪ ବର୍ଷ ବୟସରେ କ୍ରିକେଟର ମହେନ୍ଦ୍ର ସିଂ ଧୋନିଙ୍କ ଝିଅ ଜିଭା ବ୍ରାଣ୍ଡ୍ ଆମ୍ବାସଡ଼ର ପାଲଟିଛନ୍ତି। ପାପା ଧୋନିଙ୍କ ସହିତ ଜିଭା କାଡବୁରୀ ଓରିଓ ବିସ୍କୁଟ ବିଜ୍ଞାପନରେ କାମ କରିଛନ୍ତି। ଏନେଇ ପ୍ରଶଂସକଙ୍କ ମଧ୍ୟରେ ବାପ ଝିଅଙ୍କୁ ନେଇ ଚର୍ଚ୍ଚା ଜାରି ରହିଛି। ଧୋନିଙ୍କଠାରୁ ଜିଭା ବେଶ୍ ଆଗରେ ରହିଛନ୍ତି। ମାତ୍ର ୪ ବର୍ଷ ବୟସରେ ଇନଷ୍ଟାଗ୍ରାମ୍ରେ ଜିଭାଙ୍କର ୧୮ ଲକ୍ଷ ଫଲୋଅର୍ସ ଅଛନ୍ତି। ମାତା ସାକ୍ଷୀ ଏବଂ ପିତା ଧୋନିଙ୍କ ସହିତ ଜିଭାଙ୍କର ଫଟୋ ଏବଂ ଭିଡ଼ିଓକୁ ପ୍ରଶଂସକ ଅଧିକ ପସନ୍ଦ କରିଥାନ୍ତି। ବିଜ୍ଞାପନରୁ ଧୋନିଙ୍କ ଆୟ ବେଶ୍ ଭଲ ରହିଛି। ସମ୍ପ୍ରତି ଧୋନିଙ୍କ ମୋଟ ସମ୍ପତ୍ତି ପରିମାଣ ୧୭୦ ନିୟୁତ ଡଲାରରେ ପହଞ୍ଚିଛି।