ନୂଆଦିଲ୍ଲୀ,୧୫ ।୧୦: ଲଦ୍ଦାଖର କାରଗିଲ ଅଞ୍ଚଳକୁ କଶ୍ମୀର ଘାଟିସହ ଯୋଡୁଥିବା ଜୋଜିଲା ଟନେଲର ନିର୍ମାଣ କାର୍ଯ୍ୟ ଗୁରୁବାରଠାରୁ ଆରମ୍ଭ କରାଯାଇଛି । ଏଥିପାଇଁ ହୋଇଥିବା ବିସ୍ଫୋଣର ପ୍ର୍ରଥମ ବଟନ ସଡ଼କ ପରିବହନ ମନ୍ତ୍ରୀ ନିତିନ ଗଡକରୀ କରିଛନ୍ତି । ଏହି ଟନେଲର ଲମ୍ବ ୧୪.୧୫ କିଲୋମିଟର ବୋଲି ଜଣାପଡିଛି । ସାମରିକ ଦୃଷ୍ଟି କୋଣରୁ ଏହା ଖୁବ୍ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି । ଏହା ଏସିଆର ସବୁଠାରୁ ଲମ୍ବା ଟନେଲ ବୋଲି କୁହାଯାଉଛି । ଏହି ଟନେଲ ନିର୍ମାଣ ହୋଇ ସାରିବା ପରେ ଲଦ୍ଦାଖର ରାଜଧାନୀ ଲେହ ଓ ଜମ୍ମୁ-କଶ୍ମୀରର ରାଜଧାନୀ ଶ୍ରୀଗନର ମଧ୍ୟରେ ବର୍ଷର ସବୁ ସମୟରେ ଯିବା ଆସିବା କରିବା ସମ୍ଭବ ହୋଇ ପାରିବ । ଏହାସହ ଦୁଇଟି ସ୍ଥାନ ମଧ୍ୟରେ ଯାତ୍ରା ସମୟରେ ୩ ଘଣ୍ଟା କମ୍ ହୋଇଯିବ । ସୂଚନାଯୋଗ୍ୟ, ୧୧,୫୭୮ ଫୁଟ ଉଚ୍ଚାତାରେ ଥିବା ଜୋଜିଲା ନଭେମ୍ବରରୁ ଏପ୍ରିଲ ପର୍ଯ୍ୟନ୍ତ ପାଖାପାଖି ୬ ମାସ ବରଫରେ ଆଚ୍ଛାଦିତ ହେଉଥିବାରୁ ଏନ୍ଏଚ୍-୧ ଅର୍ଥାତ୍ ଶ୍ରୀନଗର-କାରଗିଲ-ଲେହ ଜାତୀୟ ରାଜପଥରେ ଗମନାଗମନ ବନ୍ଦ ରହିଥାଏ । ଏହା ଏପର୍ଯ୍ୟନ୍ତ ଯାନବାହନ ଚାଳନା ପାଇଁ ସବୁଠାରୁ ବିପଦପୂର୍ଣ୍ଣ ରାସ୍ତା ବୋଲି କୁହାଯାଏ ।
