ଅଜଣା ଗାଡ଼ି ଧକ୍କାରେ ବାଇକ ଆରୋହୀ ମୃତ, ୫ ଦିନରେ ଗଲାଣି ୩ ଜୀବନ
12:20 pmJune 8, 2019 / 21

କେନ୍ଦୁଝର, ୮।୬(ସ୍ବ.ପ୍ର.): କେନ୍ଦୁଝର ଜିଲା ସଦର ଥାନା ନିକଟରେ ଶନିବାର ଏକ ଅଜଣା ଗାଡ଼ି ଧକ୍କାରେ ଜଣେ ବାଇକ୍‌ ଆରୋହୀଙ୍କ ମୃତ୍ୟୁ ଘଟିଛି। ମୃତକଙ୍କ ପରିଚୟ ଜଣାପଡିନାହିଁ। ବାଇକ ନମ୍ବର (ଓଡି୦୯-ସି୦୧୨) ହୋଇଥିବା ବେଳେ ଗାଡ଼ି ମାଲିକଙ୍କ ନାମ ଆରଟିଓ ତଥ୍ୟ ଅନୁଯାୟୀ ସରିତା ମହାନ୍ତ ବୋଲି ଜଣାପଡିଛି। ପୋଲିସ ମୃତଦେହ ଜବତ କରି ଜିଲା ମୁଖ୍ୟ ଡାକ୍ତରଖାନା ପଠାଇବା ସହ ତଦନ୍ତ ଚଳାଇଛି।
ପ୍ରକାଶ ଯେ, ଉକ୍ତ ସ୍ଥାନରେ ପାଞ୍ଚ ଦିନ ପୂର୍ବେ ପ୍ରାତଃଭ୍ରମଣରେ ଯାଉଥିବା ଗୋପୀନାଥପୁର ଗ୍ରାମର ନିବେଦିତା ଦାସ(୪୬), ପଙ୍କଜୀନି ଦାସ(୫୦)ଙ୍କୁ ଏକ ଟ୍ରକ ଧକ୍କାଦେବାରୁ ଉଭୟଙ୍କ ମୃତ୍ୟୁ ଘଟିଥିଲା।