ସ୍ତନ୍ୟପାନ କରୁଥିବା ଶିଶୁ ଓ ମା’ ମଧ୍ୟରେ ସମ୍ପର୍କ ସୁଦୃଢ଼ ହୋଇଥାଏ। ଏନେଇ ବୋଇସ୍ ବିଶ୍ୱବିଦ୍ୟାଳୟର ଏକ ଗବେଷଣା ରିପୋର୍ଟରେ ଉଲ୍ଲେଖ କରାଯାଇଛି। ଅଧିକ ଦିନ ଧରି ସ୍ତନ୍ୟପାନ କରିଥିବା ଶିଶୁ ମା’ଠାରୁ ଦୂରେଇ ରହିପାରେ ନାହିଁ। ମା’ ଓ ଶିଶୁ ମଧ୍ୟରେ ସୃଷ୍ଟି ହେଉଥିବା ମମତା ଶିଶୁର ମସ୍ତିଷ୍କ ଉପରେ ସକାରାତ୍ମକ ପ୍ରଭାବ ପକାଇଥାଏ। ସେ ପରିବାର ପ୍ରତି ସମ୍ବେଦନଶୀଳ ହୋଇଥାଏ। ଅପରପକ୍ଷରେ କମ୍ ଦିନ ସ୍ତନ୍ୟପାନ କରିଥିବା ଶିଶୁ ଓ ମା’ ମଧ୍ୟରେ ବନ୍ଧନ ପ୍ରାୟତଃ ସୁଦୃଢ଼ ହୋଇପାରି ନ ଥାଏ। ଆଧୁନିକ ସଭ୍ୟତାରେ ପରିବର୍ତ୍ତିତ ଜୀବନ ଶୈଳୀରେ ଅନେକ ମା’ ବିଭିନ୍ନ କାରଣରୁ ସେମାନଙ୍କର ଶିଶୁକୁ ଅଧିକ ଦିନ ସ୍ତନ୍ୟପାନ କରାଇପାରୁ ନାହାଁନ୍ତି। ଫଳରେ ଶିଶୁଟି ବଡ ହେବା ପରେ ମା’ ସହିତ ତାହାର ସମ୍ପର୍କ ସେତେ ସୁଦୃଢ଼ ହୋଇ ପାରୁନାହିଁ। ଆମେରିକା ଭଳି ବିକଶିତ ରାଷ୍ଟ୍ରରେ ସ୍ତନ୍ୟପାନ ଅବଧି କମ୍ ରହିଥାଏ। ଫଳରେ ସେଠାରେ ସଂଯୁକ୍ତ ପରିବାର ଦେଖିବାକୁ ମିଳି ନ ଥାଏ। ଅନ୍ୟପକ୍ଷରେ ଭାରତରେ ସ୍ତନ୍ୟପାନ ଅବଧି ଅଧିକ ରହିଥିବାରୁ ଏଠାରେ ଅଭିବକ୍ତ ପରିବାର ଦେଖିବାକୁ ମିଳିଥାଏ। ତେବେ ଆଧୁନିକ ଚିନ୍ତାଧାରା ଯୋଗୁ ଏପରି ହେଉଥିବା ଗବେଷକ ସୂଚିତ କରିଛନ୍ତି। ଯାହାକି ମା’, ଶିଶୁ ଓ ସଂଯୁକ୍ତ ପରିବାର ମଧ୍ୟରେ ଦୂରତା ବଢ଼ାଉଛି ବୋଲି ଏହି ଗବେଷଣା ରିପୋର୍ଟରେ ପ୍ରକାଶ ପାଇଛି।
