କଲମପୁର,୧୬।୯(ଡି.ଏନ.ଏ.) କଳାହାଣ୍ଡି ଜିଲା କଲମପୁର ବ୍ଲକ ଅନୁସୂଚିତ ଜାତି ବିକାଶ ପରିଷଦ ତରଫରୁ କଲମପୁର ମଣ୍ଡିଠାରେ ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଅନୁସୂଚିତ ଜାତି ବିକାଶ ପରିଷଦ ସଭାପତି କୃଷ୍ଣଚନ୍ଦ୍ର ନିଆଲଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଦେପୁର ସରପଞ୍ଚ ଭୁକୁଲୁ ବାଗ, ମୁଖ୍ୟବକ୍ତା ଭାବେ ପ୍ରଧାନଶିକ୍ଷକ ଶତ୍ରୁଘନ ବାଗ, ସମ୍ମାନିତ ଅତିଥି ଧର୍ମଗଡ ଉପକଣ୍ଡ ଡମ୍ବ ସମାଜ ସଭାପତି ତଥା ଅଧ୍ୟକ୍ଷ ଗୋବର୍ଦ୍ଧନ ବାଗ, ଦେପୁର ସମିତି ସଭ୍ୟ ଗଜିନ୍ଦ୍ର ବିହାର, କୋଷାଧ୍ୟକ୍ଷ ଟଙ୍କଧର ନାଏକ, ରାଏଦାସ ଧଙ୍ଗଡା ମାଝି, ଡମ୍ବରୁଧର ପାଣିଗ୍ରାହୀ ପ୍ରମୁଖ ମଞ୍ଚାସୀନ ଥିଲେ । କାର୍ଯ୍ୟକ୍ରମରେ ଅତିଥିମାନେ ଆମ ସମାଜ ହିଁ ଆମର ମୁକ୍ତିଦାତା, ତ୍ରାଣ କର୍ତ୍ତା ଓ ସୁଖ ଦୁଃଖର ସାଥି ଏବଂ ନୂଆଁଖାଇ ଗୋଟାଏ ଭାଇ ଚାରାର ପର୍ବ । ସମସ୍ତ ବାଦ ବିବାଦକୁ ଭୁଲି ଏକତ୍ରିତ ହେବାର ମହାନ ଗଣପର୍ବ ହେଉଛି ନୂଆଁଖାଇ ବୋଲି କହିଥିଲେ। ନୂଆଁଖାଇ ଭେଟଘାଟ କାର୍ଯ୍ୟକ୍ରମରେ ଅଞ୍ଚଳର ବହୁ ଲୋକ ଉପସ୍ଥିତ ହୋଇ ପ୍ରଥମେ ନଗର ପରିକ୍ରମା ଏବଂ ବାବା ସାହେବଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଥିଲା । କାର୍ଯ୍ୟକ୍ରମରେ ବିଜୟ ସୁନାନୀ, ଲୋକନାଥ ନାଗ, ଗଣେଷ ବାଗ, ଚକ୍ରଧର ନାଏକ, ବସନ୍ତ ନିଆଁଲ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ। ସେନାପତି ନାଏବ ମଞ୍ଚ ପରିଚାଳନା କରିଥିବା ବେଳେ ଅନୁସୂଚିତ ଜାତି ବିକାଶ ପରିଷଦ ସମ୍ପାଦକ ବଳରାମ ଛତ୍ରିଆ ଧନ୍ୟବାଦ ଅର୍ପଣ କରିଥିଲେ ।
