କଟକ ଅଫିସ,୧୩ା୧୧- ଡିସେମ୍ବର ୨୨ରେ ହେବାକୁ ଥିବା ଭାରତ-ୱେଷ୍ଟଇଣ୍ଡିଜ ଅନ୍ତର୍ଜାତୀୟ କ୍ରିକେଟ ମ୍ୟାଚ୍ ପୂର୍ବରୁ ଷ୍ଟାଡିୟମର ନବକଳେବର ପାଇଁ ଓଡ଼ିଶା କ୍ରିକେଟ ଆସୋସିଏଶନ(ଓସିଏ) କର୍ତ୍ତୃପକ୍ଷ ତତ୍ପର ହୋଇଛନ୍ତି। ଭାଙ୍ଗିରୁଜି ଯାଇଥିବା ଷ୍ଟାଡିୟମର ଫ୍ଲଡଲାଇଟ୍ ଗୁଡ଼ିକ ମରାମତି ଆରମ୍ଭ ହୋଇଛି। ସୋମବାର ସନ୍ଧ୍ୟାରେ ଫ୍ଲଡଲାଇଟ୍ ବଲ୍ବ ପହଞ୍ଚିଛି। ଅନ୍ୟପକ୍ଷରେ ଗ୍ୟାଲେରୀ ନଂ-୭ର ମରାମତି କରିବାକୁ ଏକ ସରକାରୀ ଏଜେନ୍ସି ମଙ୍ଗଳବାର ଅନୁଧ୍ୟାନ କରି ଫେରିଛି। ଗୁରୁବାର ଆଉ ଏକ ଏକ ସରକାରୀ ଏଜେନ୍ସି ଏହି ଗ୍ୟାଲେରୀ ଅନୁଧ୍ୟାନ କରିବାକୁ ଆସିବ ବୋଲି ଜଣାପଡ଼ିଛି। ଏଣୁ ଅନ୍ତର୍ଜାତୀୟ ମ୍ୟାଚ୍ ଆୟୋଜନ ଆଶା ଦୃଢ଼ୀଭୂତ ହୋଇଛି।
ସାମୁଦ୍ରିକ ଝଡ଼ ଫନୀ ପ୍ରଭାବରେ ରାଜ୍ୟର ଏହି ଅନ୍ତର୍ଜାତୀୟ ଷ୍ଟାଡିୟମ ବିଶେଷ ଭାବେ କ୍ଷତିଗ୍ରସ୍ତ ହୋଇଥିଲା। ଗତ ମେ ମାସରେ ଏହି କ୍ଷୟକ୍ଷତି ହୋଇଥିଲେ ହେଁ ଏପର୍ଯ୍ୟନ୍ତ ମରାମତି କାମ ଆଗେଇ ପାରି ନ ଥିଲା। ଝଡ଼ ପ୍ରଭାବରେ ଷ୍ଟାଡିମୟର ୮ଟି ଯାକ ଫ୍ଲଡଲାଇଟ୍ ଖୁଣ୍ଟର ବଲବ୍ ଗୁଡ଼ିକ ଭାଙ୍ଗିରୁଜି ଯାଇଥିଲା। ପ୍ରତ୍ୟେକ ଖୁଣ୍ଟରେ ୪୮ଟି ଲେଖାଏ ବଲ୍ବ ଥିବା ବେଳେ ୭ନଂ ଖୁଣ୍ଟ ଅଧିକ କ୍ଷତିଗ୍ରସ୍ତ ହୋଇଥିଲା। ଏହାଛଡ଼ା କର୍ପୋରେଟ ବକ୍ସ, ମିଡ଼ିଆ ଗ୍ୟାଲେରୀ, ଗ୍ୟାଲେରୀ ନଂ-୭ ଓ ୫ ମଧ୍ୟ ଏହି କ୍ଷୟକ୍ଷତିରେ ଯୋଡ଼ି ହୋଇଥିଲା । ପୂର୍ବତନ କିମ୍ବଦନ୍ତୀ କ୍ରିକେଟ ଖେଳାଳିଙ୍କ କମ୍ପାନୀ ଦେବ ମସ୍କୋ ଫ୍ଲଡ ଲାଇଟ ମରାମତି କରିବାକୁ ରାଜି ହେବା ସହ ୨ଥର ଆସି କ୍ଷୟକ୍ଷତି ଆକଳନ କରି ଫେରିଛି । ଏବେ ପ୍ରାୟ ଏକ କୋଟି ଟଙ୍କା ବ୍ୟୟରେ ଫ୍ଲଡଲାଇଟ ଆସିଛି। କିଛି କର୍ମଚାରୀ ପ୍ରାରମ୍ଭିକ ପର୍ଯ୍ୟାୟରେ ଫ୍ଲଡଲାଇଟ ମରାମତି ଆରମ୍ଭ କରିଛନ୍ତି। ଖୁବଶୀଘ୍ର ଦେବ ମସ୍କୋର ଟେକ୍ନିକାଲ ଅଧିକାରୀମାନେ ବାରବାଟୀରେ ପହଞ୍ଚିବେ। ଅତିବେଶୀରେ ଆଉ ୨୦ଦିନରେ ଷ୍ଟାଡିୟମର ଫ୍ଲଡଲାଇଟ ସମସ୍ୟା ଦୂର ହେବ ବୋଲି ଓସିଏ ପକ୍ଷରୁ କୁହାଯାଇଛି। ଏତଦବ୍ୟତୀତ ଗ୍ୟାଲେରି ନଂ-୭ର ଅବସ୍ଥା ବିପଦଜ୍ଜନକ ରହିଛି। କିଛି ଦିନ ବ୍ୟବଧାନରେ ଏହି ଗ୍ୟାଲେରିରୁ ପ୍ଲାଷ୍ଟର ଖଣ୍ଡ ଖସୁଛି। ଯାହା ଫଳରେ ଏହି ଗ୍ୟାଲେରିକୁ ଏବେ ଜାଲ ଘେରରେ ରଖାଯାଇଛି। ମଙ୍ଗଳବାର ଏକ ସରକାରୀ ଏଜେନ୍ସି ମରାମତି କରିବା ନିମନ୍ତେ ଅନୁଧ୍ୟାନ କରିବାକୁ ଆସିଥିଲା। ଆକଳନ ଶେଷ କରି ଏହି ଏଜେନ୍ସି ଫେରିଛି । ମ୍ୟାଚ୍ ପୂର୍ବରୁ ଷ୍ଟାଡିୟମ ସମ୍ପୂର୍ଣ୍ଣ ଭାବେ ପ୍ରସ୍ତୁତ ହୋଇଥିବ ବୋଲି ଆଶା କରାଯାଉଛି । ଓସିଏ ସମ୍ପାଦକ ସଞ୍ଜୟ ବେହେରା ଏ ସମ୍ପର୍କରେ କୁହନ୍ତି, ସମସ୍ତ କାର୍ଯ୍ୟ ଖୁବଶୀଘ୍ର ଶେଷ କରିବାକୁ ଆମେ ପ୍ରସ୍ତୁତ ହେଉଛୁ। କେବଳ ଅର୍ଥ ସମସ୍ୟା ସାମ୍ନାରେ ରହୁଛି। ତଥାପି ଅର୍ନ୍ତଜାତୀୟ ମ୍ୟାଚ୍ ପୂର୍ବରୁ ଷ୍ଟାଡିୟମର ସମସ୍ତ ସମସ୍ୟା ଦୂର
