ଚେନ୍ନାଇ,୧୨।୪(ପି.ଟି.)-ପୂର୍ବତନ ବିଶ୍ୱଚାମ୍ପିୟନ ବିଶ୍ୱନାଥନ ଆନନ୍ଦଙ୍କୁ ନେଇ ଆୟୋଜିତ ହୋଇଥିବା ଅନ୍ଲାଇନ୍ ଚେସ୍ ପ୍ରଦର୍ଶନୀରୁ ୪.୫ଲକ୍ଷ ଟଙ୍କାର ପାଣ୍ଠି ସଂଗ୍ରହ କରାଯାଇଛି। କୋଭିଡ୍-୧୯ ମୁକାବିଲା ପାଇଁ ଏହି ଅର୍ଥ ପ୍ରଧାନମନ୍ତ୍ରୀଙ୍କ କେୟାର୍ସ ପଣ୍ଡକୁ ପ୍ରଦାନ କରାଯିବ। ଆନନ୍ଦଙ୍କ ସମେତ ଏହି ଟୁର୍ନାମେଣ୍ଟରେ ଭାରତର ୬ ଜଣ ଶ୍ରେଷ୍ଠ ତଥା ତାରକା ଖେଳାଳି ଅଂଶଗ୍ରହଣ କରିଥିଲେ।
୧ ନମ୍ବର ଖେଳାଳି ଆନନ୍ଦ, ୨ ନମ୍ବର ଭିଦିସ ଗୁଜରାଠୀ, ପି. ହାରିକ୍ରିଷ୍ଣା ଓ ବି. ଅଧିବନଙ୍କ ସମେତ ଦୁଇ ଶ୍ରେଷ୍ଠ ମହିଳା ଖେଳାଳି କୋନେରୁ ହ ମ୍ପି ଓ ଡି. ହାରିକା ମଧ୍ୟ ଏହି ଚେସ୍ ଇଭେଣ୍ଟରେ ଅଂଶଗ୍ରହଣ କରିଥିଲେ। ରବିବାର ଚେସ୍. କମ୍ ଏହାର ଆୟୋଜନ କରିଥିଲା। ଏହି ଇଭେଣ୍ଟରୁ ସାଢ଼େ ୪ ଲକ୍ଷ ଟଙ୍କା ଅର୍ଥ ଉପାର୍ଜନ ହୋଇଛି ବୋଲି ଇଣ୍ଟରନ୍ୟାଶନାଲ ମାଷ୍ଟର ତଥା ଚେସ୍. କମ୍- ଇଣ୍ଡିଆର ନିର୍ଦ୍ଦେଶକ ରାକେଶ କୁଲକର୍ନୀ କହିଛନ୍ତି। କୋଭିଡ୍-୧୯ ଯୋଗୁ ଟ୍ରାଭେଲ ରେଷ୍ଟ୍ରିକ୍ସନ କାରଣରୁ ଜର୍ମାନୀରେ ଫସି ରହିଥିବା ଆନନ୍ଦ ଏହି ଇଭେଣ୍ଟ ଆୟୋଜନ କରିବାକୁ ପରାମର୍ଶ ଦେଇଥିଲେ ବୋଲି ସେ କହିଛନ୍ତି। ଅନ୍ ଲାଇନ୍ରେ ଏଭଳି ଇଭେଣ୍ଟ ଆୟୋଜନ କରିବା ନିଶ୍ଚିତ ଭାବେ କଷ୍ଟକର ଥିଲା। ତେବେ ପ୍ରଶଂସକ ସହ ବାର୍ତ୍ତାଳପ କରି ଡୋନେଶନ ସଂଗ୍ରହ କରାଯାଇଥିଏଲା ବୋଲି ହରିକା କହିଛନ୍ତି। ଏହି ଇଭେଣ୍ଟରେ ଅଂଶଗ୍ରହଣ କରିବାକୁ ହେଲେ ଖେଳାଳିମାନଙ୍କୁ ଏକ ଚେସ୍ ଡଟ୍ କମ୍ ବ୍ଲିଜ୍ କିମ୍ବା ଏଲୋ ୨୦୦୦ର ଫିଡେ ଷ୍ଟାଣ୍ଡାର୍ଡ ରେଟିଂ ହାସଲ କରିଥିବା ଆବଶ୍ୟକ। ଏଥିସହିତ ରେଜିଷ୍ଟ୍ରେଶନ ପ୍ରକ୍ରିୟାରେ ଡୋନେଶନ ମଧ୍ୟ ଦେବାକୁ ହୋଇଥାଏ।
