ଫୁଲବାଣୀ ଅଫିସ, ୧୪ା୧୨-କନ୍ଧମାଳ ଜିଲାରେ ଅପରାଧର ସ୍ଥିତି ଓ ପୋଲିସ ବ୍ୟବସ୍ଥାକୁ ନେଇ ଏକ କର୍ମଶାଳା ସ୍ଥାନୀୟ ପ୍ରେସ୍ କ୍ଲବରେ ଶୁକ୍ରବାର ଅନୁଷ୍ଠିତ ହୋଇଯାଇଛିା ଜିଲାରେ କେତେ ଆପରାଧିକ ମାମଲା ରୁଜୁ ହୋଇଛି ତାହା ଉପରେ ଏହି କର୍ମଶାଳାରେ ଆଲୋଚନା କରାଯାଇଥିଲା ା ସୂଚନା ଅଧିକାର ଆଇନ ବଳରେ ତଥ୍ୟ ମଗାଯାଉଥିଲେ ମଧ୍ୟ ପୋଲିସ ସମ୍ପୂର୍ଣ୍ଣ ତଥ୍ୟ ଦେଉନାହିଁ ବୋଲି କର୍ମଶାଳା ଆୟୋଜକଙ୍କ ପକ୍ଷରୁ କୁହାଯାଇଥିଲା। ସେହିପରି ମହିଳାମାନଙ୍କ ପାଇଁ ଥାନାରେ ସ୍ବତନ୍ତ୍ର ବ୍ୟବସ୍ଥା ନାହିଁ ା ଥାନାରେ ମହିଳା ଡେସ୍କ କାର୍ଯ୍ୟ କରୁନାହିଁ ା ଏପରିକି ପୋଲିସ ଅଧିକାଂଶ କ୍ଷେତ୍ରରେ ଉତ୍ତମ ବ୍ୟବହାର କରୁ ନ ଥିବା ଅଭିଯୋଗ ଉଠିଥିଲା।
ସେଣ୍ଟର ଫର୍ ଦି ସଷ୍ଟେନେବଲ୍ ୟୁଜ୍ ଅଫ୍ ନାଚୁରାଲ୍ ଆଣ୍ଡ୍ ସୋସିଆଲ୍ ରିସୋର୍ସେ (ସିଏସ୍ଏନ୍ଆର) ଓ କମନ୍ୱେଲ୍ଥ ହ୍ୟୁମାନ୍ ରାଇଟସ୍ ଇନିସିଏଟିଭ୍ (ସିଏଚଆରଆଇ) ପକ୍ଷରୁ କନ୍ଧମାଳ ଉପରେ ହୋଇଥିବା ଗବେଷଣାମତ୍କ ରିପୋର୍ଟ କର୍ମଶାଳାରେ ଉପସ୍ଥାପିତ କରାଯାଇଥିଲା ା ରିପୋର୍ଟ ଅନୁସାରେ, କନ୍ଧମାଳ ଜିଲାରେ ୨୦୧୭ରେ ମୋଟ ୧,୩୨୭ ଏବଂ ୨୦୧୮ ଜାନୁୟାରୀରୁ ମେ ମଧ୍ୟରେ ୫୬୭ ମାମଲା ପଞ୍ଜୀକୃତ ହୋଇଛି। ସେଥିମଧ୍ୟରେ ୧୦୦ଟି ବଳାତ୍କାର ମାମଲା। କେବଳ ୨୦୧୭ରେ ୪୦୨ଟି ଓ ୨୦୧୮ ଜାନୟାରୀରୁ ମେ ମଧ୍ୟରେ ୧୩୬ଟି ମହିଳା ବିରୋଧୀ ଅପରାଧ ପଞ୍ଜୀକୃତ ହୋଇଛି ା ଏଥିମଧ୍ୟରୁ ସର୍ବାଧିକ ମାମଲା ଖଜୁରିପଡା ଥାନାରେ ୧୦୭, ତୁମୁଡିବନ୍ଧ ଥାନାରେ ୯୩, ଟାଉନ ଥାନାରେ ୭୨ ଓ ବାଲିଗୁଡା ଥାନାରେ ୬୩ଟି ଦାଖଲ ହୋଇଛି ା ଯୌତୁକଜନିତ ହିଂସା ୧୩୫, ଅପହରଣ ୧୦୩ ଓ ୧୦୦ଟି ବଳାତ୍କାର ମାମଲା ହୋଇଥିବାରୁ ମହିଳାମାନଙ୍କ ସୁରକ୍ଷାକୁ ନେଇ ବୈଠକରେ ଉଦ୍ବେଗ ପ୍ରକାଶ ପାଇଥିଲା ା ସେହିପରି ପୋକ୍ସୋ ଆଇନରେ ୨୦୧୭ରେ ୪୯ ଶିଶୁଙ୍କ ଉପରେ ଆପରାଧିକ ଯୌନ ନିର୍ଯାତନା ମାମଲା ପଞ୍ଜୀକୃତ
ହୋଇଛି। ୨୦୧୮ ଜାନୁୟାରୀରୁ ମେ ମଧ୍ୟରେ ୨୦ ମାମଲା ରୁଜୁ ହୋଇଛି। ତେଣୁ ଉଭୟ ଶିଶୁ ଓ ମହିଳାମାନେ ସୁରକ୍ଷିତ ନୁହନ୍ତି ବୋଲି ଉପସ୍ଥିତି କର୍ମକର୍ତ୍ତା ମତ
ପ୍ରକାଶ କରିଥିଲେ ା
ଅନ୍ୟପକ୍ଷେ ଜିଲାରେ ଅନୁସୂଚିତ ଜାତି ଓ ଜନଜାତି ସୁରକ୍ଷା ଆଇନ୍, ପୋଲିସ ପଦ ଖାଲି, ବାସଗୃହ ମିଳି ନ ଥିବା ଉପରେ ତଥ୍ୟ ଉପସ୍ଥାପନ କରାଯାଇଥିଲା ା ସାରଙ୍ଗଗଡ ଥାନା ବ୍ୟତୀତ ଜିଲାର ଅନ୍ୟ କୌଣସି ଥାନାରେ ଗିରଫ ନିୟମାବଳୀ ସମ୍ପର୍କିତ ସୂଚନା ଡିସ୍ପ୍ଲେ ବୋର୍ଡରେ ସାଧାରଣ ଲୋକଙ୍କ ଅବଗତି ପାଇଁ ଦିଆଯାଉନାହିଁ ା ସୂଚନା ଅଧିକାର ଆଇନ୍ ଅନୁସାରେ ୩୦ଦିନ ଭିତରେ କନ୍ଧମାଳର କୌଣସି ଥାନା ସୂଚନା ପ୍ରଦାନ କରି ନ ଥିଲେ ା ଏସ୍ପିଙ୍କ ତଥା ପ୍ରଥମ ଅପିଲ୍ କର୍ତ୍ତୃପକ୍ଷଙ୍କ ନିର୍ଦ୍ଦେଶ ପରେ ମଧ୍ୟ ବ୍ରାହ୍ମଣୀଗାଁ, ଟିକାବାଲି, ଦାରିଙ୍ଗବାଡ଼ି ଓ କ.ନୂଆଗାଁ ଥାନାରୁ ଅପରାଧ ସମ୍ବନ୍ଧୀୟ ସୂଚନା ମିଳି ନ ଥିବାରୁ ସୂଚନା ଅଧିକାର ଆଇନ ଠିକ୍ ଭାବେ କାର୍ଯ୍ୟକାରୀ ହେଉନାହିଁ ବୋଲି ସୂଚନା ଅଧିକାର କର୍ମୀମାନେ ମତ ଦେଇଥିଲେ ା
କର୍ମଶାଳାକୁ ସିଏସ୍ଏନ୍ଆର୍ର ସମ୍ପାଦକ ଧୀରେନ୍ଦ୍ର ପଣ୍ଡା, ଆଇନଜୀବୀ ଚନ୍ଦ୍ରନାଥ ଦାନୀ, ଗବେଷିକା ପ୍ରଜ୍ଞା ପରମିତା ଜେନା, ଆରଟିଆଇ କର୍ମୀ ପ୍ରକାଶ କୁମାର ସାମନ୍ତ ସିଂହାର କାର୍ଯ୍ୟକ୍ରମରେ ଅଂଶ ଗ୍ରହଣକାରୀଙ୍କ ବିଭିନ୍ନ ପ୍ରଶ୍ନର ଉତ୍ତର ଦେଇଥିଲେ ା ଆଲୋଚନାରେ ପ୍ରସନ୍ନ ବିଷୋୟୀ, ବୈଦ୍ୟନାଥ ଖଟୁଆ, ନରେନ୍ଦ୍ର ମହାନ୍ତି, ବିଜୟକୃଷ୍ଣ ପଟ୍ଟନାୟକ, ପ୍ରେମାନନ୍ଦ ସାହୁ, ଜିଆଉଦ୍ଦିନ୍ ମହମ୍ମଦ୍ ଓ କଳ୍ପନା ମହାନ୍ତି ପ୍ରମୁଖ ଅଂଶଗ୍ରହଣ କରିଥିଲେ ା
