ଶ୍ରୀନଗର,୩।୧୧: ଜମ୍ମୁ-କଶ୍ମୀରରେ ଆରମ୍ଭ ହୋଇଥିବା ‘ମା’ ଅପରେଶନ୍ ଅନ୍ତର୍ଗତ ଇତିମଧ୍ୟରେ ଆତଙ୍କବାଦୀ ସଂଗଠନରେ ଯୋଗଦେଇଥିବା ୫୦ରୁ ଅଧିକ ଯୁବକ ଘର ବାହୁଡ଼ିଛନ୍ତି। ଲ୍ୟୁଟନାଟ୍ ଜେନେରାଲ କନଓ୍ବଲ୍ଜିତ୍ ସିଂ ଧିଲୋନ୍ଙ୍କ ନେତୃତ୍ୱରେ ଆରମ୍ଭ ହୋଇଥିବା ଏହି ଅପରେଶନ୍ ବେଶ୍ ସଫଳ ରହିଥିବା କୁହାଯାଉଛି। କନଓ୍ବଲ୍ଜିତ୍ଙ୍କ ନେତୃତ୍ୱରେ ସୁରକ୍ଷାକର୍ମୀ ନିଖୋଜ ଥିବା ଯୁବକଙ୍କ ସମ୍ପର୍କରେ ତଥ୍ୟ ହାସଲ କରିବା ସହିତ ସେମାନଙ୍କ ପରିବାର ସଦସ୍ୟଙ୍କୁ ଭେଟି ଏଭଳି କରିପାରିଛନ୍ତି। ଏହାଯୋଗୁ ଧୀରେ ଧୀରେ ଏଠାରେ ସୁରକ୍ଷାକର୍ମୀଙ୍କ ଉପରେ ପଥରମାଡ଼ ଘଟଣା କମିବାରେ ଲାଗିଛି। ଯୁବବର୍ଗଙ୍କ ମଧ୍ୟରେ ମାତୃଭୂମି ପ୍ରତି ସଚେତନତା ସୃଷ୍ଟି କରାଯାଇ ସେମାନଙ୍କୁ ଘରକୁ ଫେରାଇ ଅଣାଯାଇଥିବା ଧିଲୋନ୍ ସୂଚନା ଦେଇଛନ୍ତି।
