ଢେଙ୍କାନାଳ ଅଫିସ, ୯।୧୦-ଢେଙ୍କାନାଳ ଜିଲା ଅବକାରୀ ବିଭାଗ ମୋବାଇଲ ସ୍କ୍ବାଡ୍ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୬ଜଣଙ୍କୁ ଗିରଫ କରାଯାଇଛି। ଭୁବନ ଥାନା ଟିପିଲେଇ ଛକ ଏବଂ ପଳାସପିଠିଆରୁ ୮୦ ବୋତଲ ବିଦେଶୀ ମଦ ସହ ଏକ ବାଇକ୍ ଜବତ କରାଯାଇଛି। ଏହି ଘଟଣାରେ ସମ୍ପୃକ୍ତ ଅଭିଯୋଗରେ ଉମାଶଙ୍କର ଖିଲାର (୩୨) ଏବଂ ମାନସ ରଞ୍ଜନ ମହାପାତ୍ର (୪୨) ଗିରଫ ହୋଇଛନ୍ତି। ଉମାଶଙ୍କର ହୋଟେଲ ମାଲିକ ବୋଲି ଜଣାପଡ଼ିଛି। କାଇମାଟି ଅଞ୍ଚଳରୁ ୮୦ ଲିଟର ଦେଶୀ ମଦ ସହ ଏକ ବାଇକ୍ ଜବତ କରାଯାଇଛି। ଏଥିରେ କାହାରିକୁ ଗିରଫ କରାଯାଇନାହିଁ। ବଳଦିଆବନ୍ଧ ଅଞ୍ଚଳର ପୃଥକ୍ ହୋଟେଲରେ ଚଢ଼ାଉ କରାଯାଇ ୧୭ ଲିଟର ଲିଟର ବିୟର ଜବତ କରାଯାଇଛି। ଏହି ଘଟଣାରେ ଟୁକୁ ବିହାରୀ (୫୩) ଏବଂ ପ୍ରକାଶ ମହାନ୍ତି (୪୩)ଙ୍କୁ ଗିରଫ କରାଯାଇଛି। ସେହିପରି ନିଶା କାରବାରରେ ଜଡ଼ିତ ପରଜଙ୍ଗ ଥାନା ଅଞ୍ଚଳର ୨ଜଣ ଧରାପଡ଼ିଛନ୍ତି। ଇନ୍ସପେକ୍ଟର ରାଜଶେଖର ସ୍ବାଇଁ, ଏଏସ୍ଆଇ ନିରାକାର ଦେହୁରୀ, ଶ୍ରୀକାନ୍ତ ପଟ୍ଟନାୟକ ପ୍ରମୁଖ ଏହି ଚଢ଼ାଉରେ ସାମିଲ ଥିଲେ।
