କଟକ ଅଫିସ,୧୯ା୧୧- କଟକ କ୍ଲବଠାରେ ବିଲିୟାର୍ଡସ ଆଣ୍ଡ ସ୍ନୁକର ଆସୋସିଏଶନ ଅଫ ଓଡ଼ିଶା(ବିଏସ୍ଏଓ) ଓ ଓଡ଼ିଶା ମାଇନିଂ କର୍ପୋରେଶନର ମିଳିତ ଆନୁକୂଲ୍ୟରେ ୨୬ତମ ଅଲ ଓଡ଼ିଶା ବିଲିୟାର୍ଡସ ଓ ସ୍ନୁକର ରାଜ୍ୟ ର଼୍ୟାଙ୍କିଙ୍ଗ ଚାମ୍ପିୟନଶିପ ସୋମବାର ଉଦ୍ଘାଟିତ ହୋଇଛି। ପ୍ରଥମ ଦିବସରେ ଜୁନିୟର ବର୍ଗର ସ୍ନୁକର ଓ ବିଲିୟାର୍ଡସ ପ୍ରତିଯୋଗିତା ହୋଇଥିଲା। ଜୁନିୟର ବିଲିୟାର୍ଡସ ଫାଇନାଲରେ ବରୁଣ ନାୟକ ୧୪୦-୯୬ ପଏଣ୍ଟରେ ଅବିନାଶ ମହାପାତ୍ରଙ୍କୁ ହରାଇ ଟାଇଟଲ ବିଜୟୀ ହୋଇଛନ୍ତି। ଜୁନିୟର ସ୍ନୁକରରେ ଚାମ୍ପିୟନ ହୋଇଛନ୍ତି ଅବିନାଶ ମହାପାତ୍ର। ଅବିନାଶ ୩-୨ ଫ୍ରେମରେ ବରୁଣ ନାୟକଙ୍କୁ ପରାସ୍ତ କରିଥିଲେ। ବରୁଣ ରାଜ୍ୟ ର଼୍ୟାଙ୍କିଙ୍ଗର ଜୁନିୟର ବିଲିୟାର୍ଡସରେ ସିଡ୍-୧ ଓ ଜୁନିୟର ସ୍ନୁକରରେ ସିଡ଼-୨ ପ୍ରାପ୍ତ କରିଛନ୍ତି। ଅବିନାଶ ରାଜ୍ୟ ର଼୍ୟାଙ୍କିଙ୍ଗ୍ର ଜୁନିୟର ବିଲିୟାର୍ଡସରେ ସିଡ଼-୨ ଓ ଜୁନିୟର ସ୍ନୁକରରେ ସିଡ଼-୧ ପ୍ରାପ୍ତ କରିଛନ୍ତି। ମଙ୍ଗଳବାରଠାରୁ ସିନିୟର ବିଲିୟାର୍ଡସ ଆରମ୍ଭ ହେବ। ଏଥିରେ ରାଜ୍ୟର ୧୦ଜଣ ପ୍ରତିଯୋଗୀ ଭାଗ ନେବେ।
