ଭଞ୍ଜନଗର,୧୭।୫(ଡି.ଏନ୍.ଏ.)- ସାମୁଦ୍ରିକ ଝଡ଼ ଅମ୍ଫନ୍ ପ୍ରଭାବ ଓଡ଼ିଶାର କେତେକ ଜିଲାରେ ପଡିବାକୁ ଥିବାରୁ ଜଳସମ୍ପଦ ବିଭାଗ ପକ୍ଷରୁ ସମ୍ପୃକ୍ତ ଜିଲାରେ ଥିବା ଜଳଭଣ୍ଡାରର ଜଳସ୍ତର କମାଇବାକୁ ନିର୍ଦ୍ଦେଶ ଦିଆଯାଇଛି। ଗଞ୍ଜାମ ଜିଲା ଭଞ୍ଜନଗର, ସୋରଡ଼ା, ଡ଼ହ, ବାଘୁଆ, ଧନେଇ, ଘୋଡ଼ାହାଡ଼, ବାଘଲଟି ଜଳଭଣ୍ଡାରର ଜଳସ୍ତର କମାଯାଉଛି। ଜଳଭଣ୍ଡାର ଗୁଡ଼ିକରେ ମାତ୍ର ୬୦ ପ୍ରତିଶତ ପାଣି ରଖି ବଳକା ନଦୀ ଓ କେନାଲ ଦେଇ ଶୁକ୍ରବାର ଠାରୁ ଛାଡ଼ି ଦିଆଯାଉଛି। ଅମ୍ପନ ପ୍ରଭାବରେ ସୋମବାର ସନ୍ଧ୍ୟାରେ ଗଞ୍ଜାମ ଜିଲାରେ ବର୍ଷା ହେବାର ସମ୍ଭାବନା ରହିଛି। ଜଳସମ୍ପଦ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ବାଲିବସ୍ତା ମହଜୁଦ୍ ରଖାଯିବା ସହ କର୍ମଚାରୀଙ୍କୁ ମଧ୍ୟ ସତର୍କ କରି ଦିଆଯାଇଛି। ରାଜସ୍ବ, ପଞ୍ଚାୟତିରାଜ ବିଭାଗ ମଧ୍ୟ ସାମ୍ଭାବ୍ୟ ଅମ୍ପନର ମୁକାବିଲା ପାଇଁ ଆଗୁଆ ପଦକ୍ଷେପ ନେଇଛି।
