ଲଣ୍ଡନ, ୨୧ା୨ (ଏଏଫ୍ପି)- ଗେଟ୍ ବ୍ରିଟେନ ମହିଳା ଫିଲ୍ଡ ହକି ଅଧିନାୟିକା ଆଲେକ୍ସ ଡାନସନ୍ ବେନେଟ୍ ଗୁରୁବାର ଖେଳୁ ତାଙ୍କ ଅବସର ଘୋଷଣା କରିଛନ୍ତି। ୨୦୧୬ ରିଓ ଅଲିମ୍ପିକ୍ସରେ ସ୍ବର୍ଣ୍ଣ ଜିତିଥିବା ବ୍ରିଟିଶ ଟିମ୍ର ଜଣେ ଅନ୍ୟତମ ସଦସ୍ୟା ଥିତ୍ଲେ ଏହି ୩୪ ବର୍ଷୀୟା ହକି ଖେଳାଳି। ଟୁର୍ନାମେଣ୍ଟରେ ସେ ମିଳିତ ଟପ୍ ସ୍କୋରର ଥିଲେ। ୧୮ବର୍ଷ ତଳେ ଡାନସନ ବେନେଟଙ୍କ ମୁଣ୍ଡରେ ଏକ ଆଘାତ ଲାଗିଥିଲା। ଏହାପରଠାରୁ ସେ ଖେଳରୁ ଦୂରେଇ ରହିଥିଲେ। ଖବର ଅନୁସାରେ ସେ ତାଙ୍କ ବୟ ଫ୍ରେଣ୍ଡ୍ (ବର୍ତ୍ତମାନ ତାଙ୍କର ସ୍ବାମୀ) ଛୁଟି କଟାଇବାକୁ ଯାଇଥିଲେ। ସେତେବେଳେ ବୟଫ୍ରେଣ୍ଡ୍ ଜଣକ ଥଟ୍ଟାମଜାରେ ଡାନସନ ବେନେଟଙ୍କୁ ପଛରୁ ଠେଲି ଦେଇଥିଲେ। ଫଳରେ ଏକ ଇଟା କାନ୍ଥରେ ତାଙ୍କ ମୁଣ୍ଡ ପିଟି ହୋଇଯାଇଥିଲା। ଏଥିଯୋଗୁ ସେ ଦୀର୍ଘଦିନ ଧରି ଆଘାତଜନିତ ସମସ୍ୟାରେ ଥିଲେ। ମାତ୍ର ଚଳିତବର୍ଷ ଟୋକିଓ ଅଲିମ୍ପିକ୍ସ ପାଇଁ ଦଳରେ କିପରି ସ୍ଥାନ ପାଇବେ ସେ ଥିଲାକୁ ନିଜକୁ ଫିଟ୍ କରିବା ଲାଗି ଉଦ୍ୟମ କରିଥିଲେ। ଗତ ମାସରେ ସେ ଏକ ଟ୍ରେନିଂ କ୍ୟାମ୍ପରେ ମଧ୍ୟ ଯୋଗ ଦେଇଥିଲେ। ମାତ୍ର ଦୁଇ ଦଶନ୍ଧି ଧରି ହକି ଖେଳି ଆସୁଥିବା ଡାନସନ ବେନେଟ ଶେଷରେ ଅବସର ନେବାକୁ ଚାହିଁଥିଲେ।
