Posted inଖେଳ

‘ଅଲିମ୍ପିକ୍‌ କ୍ୱାଲିଫାୟର୍ସ ଗୋଲ ସ୍ବପ୍ନିଳ ଅନୁଭବ’

ନୂଆଦିଲ୍ଲୀ, ୧୨।୧୧(ପି.ଟି.)-୨୦୨୦ ଟୋକିଓ ଅଲିମ୍ପିକ୍ସ ପାଇଁ ଭୁବନେଶ୍ୱରର କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ଆମେରିକା ବିପକ୍ଷ କ୍ୱାଲିଫାୟର୍ସରେ ଭାରତୀୟ ଅଧିନାୟିକା ରାଣୀ ରାମପାଲଙ୍କ ଗୋଲ ନିର୍ଣ୍ଣାୟକ ସାବ୍ୟସ୍ତ ହୋଇଥିଲା। ୨ ମ୍ୟାଚ ବିଶିଷ୍ଟ କ୍ୱାଲିଫାୟର୍ସରେ ଭାରତ ରାଣୀଙ୍କ ଗୋଲ ବଳରେ ଆମେରିକାକୁ ୬-୫ରେ ପଛରେ ପକାଇ ଦେବାରେ ସକ୍ଷମ ହୋଇଥିଲା। ଏହି ନିର୍ଣ୍ଣାୟକ ଗୋଲ ‘ସ୍ବପ୍ନିଳ ଅନୁଭବ’ ବୋଲି ରାଣୀ ପ୍ରକାଶ କରିଛନ୍ତି। ” ମୁଁ ଏକାଗ୍ରତାର ସହିତ ମନକୁ ଶାନ୍ତ ରଖି ଗୋଲ ଫିନିଶ୍‌ କରିଥିଲି। ସାଥୀ ଖେଳାଳିମାନେ ମୋତେ ଯେପରି ଅଭିନନ୍ଦନ ଜଣାଇ ଖୁସି ମନାଇଲେ ତାହା ସ୍ବପ୍ନପରି ଲାଗୁଛି“ ବୋଲି ରାଣୀ କହିଛନ୍ତି। ମ୍ୟାଚ ଶେଷ ହେବାକୁ ୧୫ ମିନିଟ ଥିବାବେଳେ ମନରେ ଭିନ୍ନ ଚିନ୍ତା ଆସିଥିଲା। ଦୀର୍ଘ ୩ ବର୍ଷ ଧରି ଆମେ କରି ଆସିଥିବା କଠିନ ପରିଶ୍ରମ ବେକାର ଯିବବୋଲି ଭାବିଥିଲି। ମାତ୍ର ପ୍ରତିପକ୍ଷ ସର୍କଲ ଭିତରେ ମୁଁ ଯେତେବେଳେ ବଲ୍‌ ପାଇଲି ଆଗରେ କିଛି ଗ୍ୟାପ୍‌ ଥିବା ଜାଣିଲି ଏବଂ ସମ୍ପୂର୍ଣ୍ଣ ଭାବେ ଗେମ୍‌ ଉପରେ ଫୋକସ କରି ଲକ୍ଷ୍ୟ ହାସଲରେ ସଫଳ ହେଲି ବୋଲି ରାଣୀ କହିଛନ୍ତି। ଆମେ ଯୋଗ୍ୟତା ହାସଲ କରିଥିବାରୁ ଏବେ ଟୋକିଓ ଅଲିମ୍ପିକ୍ସରେ ପୋଡିୟମ ଫିନିଶ୍‌ ଆମର ଲକ୍ଷ୍ୟ ବୋଲି ସେ ପ୍ରକାଶ କରିଛନ୍ତି। ଆମେରିକା ବିପକ୍ଷ କ୍ୱାଲିଫାୟର୍ସର ଦ୍ୱିତୀୟ ମ୍ୟାଚରେ ଭାରତ ୧-୪ ଗୋଲରେ ପରାଜିତ ହୋଇଥିଲେ ହେଁ ପ୍ରଥମ ମ୍ୟାଚରେ ୫-୧ ଗୋଲରେ ବିଜୟୀ ହୋଇଥିବାରୁ ଅଲିମ୍ପିକ୍ସ ଯୋଗ୍ୟତା ପାଇଥିଲା।
ସଂଯୋଗ ବଶତଃ ଦୀର୍ଘ ୩୬ ବର୍ଷ ବ୍ୟବଧାନରେ ୨୦୧୫ରେ ଭାରତୀୟ ମହିଳା ଦଳ ଯେତେବେଳେ ରିଓ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କଲା ସେତେବେଳେ ମଧ୍ୟ ଜାପାନ ବିପକ୍ଷ ନିର୍ଣ୍ଣାୟକ ମ୍ୟାଚରେ ରାଣୀ ମୁଖ୍ୟ ଭୂମିକା ଗ୍ରହଣ କରିଥିଲେ। ତେବେ ରିଓରେ ଭାରତୀୟ ଦଳର ପ୍ରଦର୍ଶନ ଅତ୍ୟନ୍ତ ନୈରାଶ୍ୟଜନକ ରହିଥିଲା। ”ରିଓରେ ଆମେ ଦକ୍ଷତା ଅନୁସାରେ ପ୍ରଦର୍ଶନ କରିପାରି ନ ଥିଲୁ ସତ, ମାତ୍ର ଅଲିମ୍ପିକ୍ସରେ ଖେଳିବାର ଅଭିଜ୍ଞତା ହାସଲ କରିଥିଲୁ। ରିଓରେ ଖେଳିଥିବା ୧୦ ଖେଳାଳି ବର୍ତ୍ତମାନ ମଧ୍ୟ ଦଳରେ ରହିଛନ୍ତି। ପୂର୍ବ ଅଲିମ୍ପିକ୍ସ ପରେ ଆମ ଦଳୀୟ ପ୍ରଦର୍ଶନରେ ଅନେକ ଉନ୍ନତି ହୋଇଛି। ତେଣୁ ଟୋକିଓରେ ପୋଡିୟମ ଫିନିଶ୍‌ ନେଇ ମୁଁ ଦୃଢ଼ ଆଶାବାଦୀ“ ବୋଲି ରାଣୀ କହିଛନ୍ତି। ବର୍ଷ ପ୍ରାରମ୍ଭରେ ଆମେ ଅଲିମ୍ପିକ୍‌ ଟେଷ୍ଟ ଇଭେଣ୍ଟରେ ଭାଗନେଇ ବିଜୟ ହାସଲ କରିଥିଲୁ। ସେଠାକାର ପରିବେଶରେ ଖେଳିବାର ଅଭିଜ୍ଞତା ମଧ୍ୟ ହାସଲ କରିଥିଲୁ। ୨୦୨୦ ଗେମ୍ସ ବେଳକୁ ଏହା ଆମକୁ ସହାୟକ ହେବ ବୋଲି ଅଧିନାୟିକା ପ୍ରକାଶ କରିଛନ୍ତି।
୨୦୨୨ ମହିଳା ହକି ବିଶ୍ୱକପ ନେଦରଲାଣ୍ଡ୍ସ ଓ ସ୍ପେନରେ ମିଳିତଭାବେ ଆୟୋଜନ ହେବ ବୋଲି ଅନ୍ତର୍ଜାତୀୟ ହକି ଫେଡେରେଶନ (ଏଫଆଇଏଚ୍‌) ଘୋଷଣା କରିଛି। ଏ ସମ୍ପର୍କରେ ରାଣୀ କହିଛନ୍ତି ଯେ, ”ଆମେ ଗତବର୍ଷ ଇଂଲଣ୍ଡ ବିଶ୍ୱକପରେ ଭଲ ଖେଳି କ୍ୱାର୍ଟର ଫାଇନାଲରେ ପ୍ରବେଶ କରିଥିଲୁ। ଆୟର୍ଲାଣ୍ଡ ନିକଟରୁ ପେନାଲ୍ଟି ଶୁଟ୍‌ଆଉଟରେ ପରାଜୟ ଆମକୁ ନିରାଶ କରିଥିଲା ସତ, ମାତ୍ର ସେମିଫାଇନାଲରେ ପ୍ରବେଶ ପାଇଁ ଗୋଟିଏ ବିଜୟ ଦୂରରେ ରହି ଯାଇଥିଲୁ ବୋଲି ପ୍ରମାଣିତ କରିଥିଲୁ। ଆଗାମୀ ବିଶ୍ୱକପରେ ଆମେ ଅଧୁରା ସ୍ବପ୍ନକୁ ସାକାର କରିବାକୁ ଚେଷ୍ଟା କରିବୁ। ଆମେ ନିକଟ ଅତୀତରେ ସ୍ପେନରେ ଅନେକ ମ୍ୟାଚ ଖେଳିଛୁ। ସେଠାକାର ପରିବେଶ ସହିତ ଆମେ ଭଲଭାବେ ଅଭ୍ୟସ୍ତ। ତେବେ ବିଶ୍ୱକପ ଉପରେ ଫୋକସ କରିବା ପୂର୍ବରୁ ଆମେ ଏବେ କେବଳ ଟୋକିଓ ଅଲିମ୍ପିକ୍ସ କଥା ଚିନ୍ତା କରୁଛୁ“। ଅଲିମ୍ପିକ୍‌ କ୍ୱାଲିଫାୟର୍ସ ପରେ ଭାରତୀୟ ମହିଳା ହକି ଦଳକୁ ଏବେ ବ୍ରେକ୍‌ ମିଳିଛି। ଚଳିତମାସ ୧୮ରୁ ବେଙ୍ଗାଲୁରୁଠାରେ କଣ୍ଡିଶନିଂ କ୍ୟାମ୍ପରେ ଅଲିମ୍ପିକ୍ସ ପାଇଁ ପ୍ରସ୍ତୁତି ଆରମ୍ଭ ହେବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

‘ସାଣ୍ଟା କ୍ଲଜ୍’ ବେଶରେ ଆସି ଇଣ୍ଟରନେଟରେ ନିଆଁ ଲଗାଇଲେ ଧୋନୀ

ଭୁବନେଶ୍ୱର,୨୫।୧୨: ଭାରତର କିମ୍ବଦନ୍ତୀ ଅଧିନାୟକ ପୁଣିଥରେ ଇଣ୍ଟରନେଟ୍ ନିଆଁ ଲଗାଇଛନ୍ତି। ଖ୍ରୀଷ୍ଟମାସରେ ଏକ ନୂତନ ଅବତାରରେ ଆଶି ସେ ସମସ୍ତଙ୍କୁ ଚମକି ଦେଇଛନ୍ତି। ଧୋନି ପାଞ୍ଚ...

”ପ୍ରଥମ ଦେଖାରେ ପ୍ରେମ”, ବିମାନରେ ଦେଖା ହେବା ପରେ ବିବାହ କରିବାକୁ ନେଇଥିଲେ ନିଷ୍ପତ୍ତି

ହାଇଦ୍ରାବାଦ: ଭାରତର ଷ୍ଟାର ସଟଲର ପିଭି. ସିନ୍ଧୁ ନିକଟରେ ଭେଙ୍କଟ୍ଟ ଦତ୍ତ ସାଇଙ୍କୁ ବିବାହ କରିଛନ୍ତି। ନିକଟତମ ସମ୍ପର୍କୀୟଙ୍କ ଗହଣରେ ଡିସେମ୍ବର ୨୨ ରେ ସେମାନଙ୍କର...

ପ୍ରଥମ ଭାରତୀୟ ଦ୍ରୁତ ବୋଲର୍‌ ଭାବେ ଇତିହାସ ରଚିଲେ ଜସପ୍ରିତ ବୁମ୍‌ରା

ନୂଆଦିଲ୍ଲୀ,୨୫।୧୨: ଦ୍ରୁତ ବୋଲର୍‌ ଜସପ୍ରିତ ବୁମ୍‌ରା ଅନ୍ତର୍ଜାତୀୟ କ୍ରିକେଟ ପରିଷଦ(ଆଇସିସି)ର ବୋଲିଂ ର଼୍ୟାଙ୍କିଂରେ ୯୦୪ ଅଙ୍କ ହାସଲ କରି ଇତିହାସ ରଚିଛନ୍ତି। ସେ ସ୍ପିନର ରବିଚନ୍ଦ୍ରନ...

ଘୋଷଣା ହେଲା ଚାମ୍ପିୟନ୍ସ ଟ୍ରଫି ୨୦୨୫ କାର୍ଯ୍ୟସୂଚୀ: ଜାଣନ୍ତୁ କେଉଁଦିନ ଭାରତ-ପାକିସ୍ତାନ ମୁକାବିଲା

ନୂଆଦିଲ୍ଲୀ,୨୪ା୧୨: ଆସନ୍ତା ବର୍ଷ ପାକିସ୍ତାନ ଦ୍ୱାରା ଆୟୋଜିତ ହେବାକୁ ଥିବା ଚାମ୍ପିଅନ୍ସ ଟ୍ରଫି ୨୦୨୫ ର ସମ୍ପୂର୍ଣ୍ଣ କାର୍ଯ୍ୟସୂଚୀ ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ପ୍ରକାଶ...

ଅଶ୍ୱିନୀଙ୍କ ସ୍ଥାନ ନେବେ ଏହି ଖେଳାଳି : ଜାଣନ୍ତୁ ସେ କିଏ…

ମେଲବୋର୍ନ,୨୪ା୧୨: ମୁମ୍ବାଇ ଅଫ୍‌-ସ୍ପିନର ତନୁଷ କୋଟିଆନ ଅଷ୍ଟ୍ରେଲିଆ ଗସ୍ତରେ ଯାଇ ସେଠାରେ ଭାରତୀୟ କ୍ରିକେଟ ଦଳରେ ଯୋଗଦେବେ। ନିକଟରେ ଅବସର ନେଇଥିବା ରବିଚନ୍ଦ୍ରନ ଅଶ୍ୱିନୀଙ୍କ ସ୍ଥାନରେ...

ମୁଁ ବଞ୍ଚିଛି.. ଏମିତି କାହିଁକି କହିଲେ ବିନୋଦ କାମ୍ୱଲି

ନୂଆଦିଲ୍ଲୀ,୨୪/୧୨: ପୂର୍ବତନ ଭାରତୀୟ କ୍ରିକେଟର ବିନୋଦ କାମ୍ବଲିଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିଯାଇଛି। ଏହାପରେ ତାଙ୍କୁ ମହାରାଷ୍ଟ୍ରର ଥାନେସ୍ଥିତ ହସ୍ପିଟାଲରେ ଭର୍ତ୍ତି କରାଯାଇଥିଲା। ଯେଉଁଠାରେ ଡାକ୍ତରୀ ଦଳ ତାଙ୍କର...

ହାତକୁ ଦି’ ହାତ ହେଲେ ପିଭି ସିନ୍ଧୁ

ଭାରତର ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ ବିବାହ ବନ୍ଧନରେ ଆବଦ୍ଧ ହୋଇଛନ୍ତି। ରାଜସ୍ଥାନର ଉଦୟପୁରରେ ଧୂମଧାମରେ ସେ ବ୍ୟବସାୟୀ ଭେଙ୍କଟ ଦତ୍ତା ସାଇଙ୍କ ହାତ ଧରିଛନ୍ତି।...

ବଡ଼ ରେକର୍ଡ କଲେ ପାଣ୍ଡ୍ୟା: ବିସ୍ଫୋରକ ଇନିଂସ ଖେଳି…

ନୂଆଦିଲ୍ଲୀ,୨୩।୧୨: ବିଜୟ ହଜାରେ ଟ୍ରଫି ୨୦୨୪ରେ ଆଶ୍ଚର୍ଯ୍ୟଜନକ ଘଟଣା ଘଟିଛି। ପ୍ରଥମେ ବ୍ୟାଟିଂ କରି ବରୋଦା ୪୦୦ ରନ ମାର୍କ ଅତିକ୍ରମ କରିଛନ୍ତି। ଏହି ସମୟରେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri