ସିଡ୍ନୀ, ୨୬।୨ (ଏଏଫ୍ପି)- ଦକ୍ଷିଣ ଆଫ୍ରିକା ବିପକ୍ଷ ୩ ମ୍ୟାଚ୍ବିଶିଷ୍ଟ ଦିନିକିଆ ସିରିଜ ଖେଳିବା ଲାଗି ଭ୍ରମଣକାରୀ ଅଷ୍ଟ୍ରେଲିଆ ଦଳରେ ଦ୍ରୁତ ବୋଲର ଝେ ରିଚାର୍ଡଶନଙ୍କୁ ସାମିଲ କରାଯାଇଛି। ଦକ୍ଷିଣ ଆଫ୍ରିକା ବିପକ୍ଷ ୩ ମ୍ୟାଚ୍ବିଶିଷ୍ଟ ଦିନିକିଆ ସିରିଜ ଶନିବାରଠାରୁ କେପ୍ ଟାଉନରେ ଆରମ୍ଭ ହେବ। ଗତବର୍ଷ ଆଇସିସି ବିଶ୍ୱକପ୍ ସମୟରେ ରିଚାର୍ଡଶନଙ୍କ କହୁଣିରେ ଆଘାତ ଲାଗିଥିଲା। ସେହିଭଳି ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ମଧ୍ୟରେ ବୁଧବାର ବିଳମ୍ବିତ ରାତିରେ ଖେଳାଯିବାକୁ ଥିବା ୩ୟ ଟି୨୦ ମ୍ୟାଚ୍ରେ ମଧ୍ୟ ରିଚାର୍ଡଶନ ଖେଳିବେ। ଅପରପକ୍ଷରେ ଆସନ୍ତା ମାସରୁ ଘରୋଇ ମାଟିରେ ଖେଳାଯିବାକୁ ଥିବା ଦିନିକିଆ ସିରିଜ ଲାଗି ଚୟନକର୍ତ୍ତାମାନେ ଅଷ୍ଟ୍ରେଲିଆ ଦଳରେ କୌଣସି ପରିବର୍ତ୍ତନ କରିନାହାନ୍ତି।
