ମେଲବୋର୍ନ, ୧୩ା୩ (ଏଏଫ୍ପି): ଶୁକ୍ରବାର ପ୍ରାକ୍ଟିସ ସେସନ ଆରମ୍ଭ ପୂର୍ବରୁ ସିଜନ ଓପନିଂ ଅଷ୍ଟ୍ରେଲିଆନ ଫର୍ମୁଲା ଓ୍ବାନ୍ ଗ୍ରାଁ ପ୍ରିକୁ ବାତିଲ କରିଦିଆଯାଇଛି। ମ୍ୟାକଲରେନ ଟିମ୍ର ଜଣେ ସଦସ୍ୟ କରୋନା ଭାଇରସରେ ଆକ୍ରାନ୍ତ ଥିବା ଜଣାପଡ଼ିବା ପରେ ରେସ୍ର ଆୟୋଜନ ନେଇ ଆଶଙ୍କା ସୃଷ୍ଟି ହୋଇଥିଲା। ଏପ୍ରିଲରେ ହେବାକୁଥିବା ରେସ୍ ଚାଇନିଜ ଗ୍ରାଁପ୍ରିକୁ ପୂର୍ବରୁ ସ୍ଥଗିତ ରଖାଯାଇ ସାରିଛି। ବାହାରିନଠାରେ ମାର୍ଚ୍ଚ ୨୨ରେ ସିଜନର ଦ୍ୱିତୀୟ ରେସ୍ ବିନା ଦର୍ଶକରେ ହେବ। ବର୍ଷର ଅବଶିଷ୍ଟ ରେସ୍ ଗୁଡିକର ଆୟୋଜନ ନେଇ ପ୍ରଶ୍ନବାଚୀ ସୃଷକଟି ହୋଇଛି। ଗୁରୁବାର ନିଜ ଟିମ୍ର ଜଣେ ସଦସ୍ୟ କରୋନା ଭାଇରସରେ ସଂକ୍ରମିତ ଥିବା ବିଷୟ ଜଣାପଡ଼ିବା ପରେ ମ୍ୟାକଲରେନ ରେସ୍ରୁ ଓହରିଯିବା ଲାଗି ନିଷ୍ପତ୍ତି ନେଇଥିଲା। କରୋନା ଭାଇରସ୍ ଆତଙ୍କ ସତ୍ତ୍ୱେ କିପରି ରେସ୍ ଆୟୋଜନ କରାଯାଉଛି ସେଥିରେ ମୁଁ ବିସ୍ମିତ ବୋଲି ବିଶ୍ୱ ଚାମ୍ପିୟନ ଲୁଇସ୍ ହାମିଲଟନ କହିଛନ୍ତି। ମ୍ୟାକଲରେନ ଟିମ୍ର ଅନ୍ୟ ୧୪ଜଣ ଏବେ ନଜରରେ ଅଛନ୍ତି।
