ବରଗଡ଼ ଅଫିସ,୧୧।୨: ବରଗଡ଼ ଜୀରାନଦୀ କୂଳେ ରହିଥିବା ସ୍ବର୍ଗଦ୍ୱାରରେ ମଙ୍ଗଳବାର ସ୍ଥାନୀୟ ସ୍ବେଚ୍ଛାସେବୀ ସଂଗଠନ ନିଷ୍ଠାର ସଦସ୍ୟମାନେ ଜଣେ ଅସହାୟ ବୃଦ୍ଧଙ୍କ ମୃତଦେହ ସତ୍କାର କରିଛନ୍ତି।
ପ୍ରକାଶ ଯେ, ଗତ ୮ ତାରିଖ ବଡ଼ଗଡ଼ ଟାଉନ ଥନା ପୋଲିସ ସ୍ଥାନୀୟ ନୂତନଘରୋଇ ବସ୍ଷ୍ଟାଣ୍ଡ ପରିସରରୁ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର କରିଥିଲା। ତାଙ୍କ ପରିଚୟ ନ ମିଳିବାରୁ ମୃତଦେହକୁ ପୁରୁଣା ଜିଲା ମୁଖ୍ୟ ଚିକିତ୍ସାଳୟର ଶବ ସଂରକ୍ଷଣ ଗୃହରେ ରଖାଯାଇଥିଲା। ଉଦ୍ଧାର ହେବାର ୭୨ ଘଣ୍ଟା ବିତିଥିଲେ ସୁଦ୍ଧା ପରିଚୟ ନ ମିଳିବାରୁ ପୋଲିସ ମୃତଦେହ ବ୍ୟବଚ୍ଛେଦ କରାଇଥିଲା। ଏ ନେଇ ଖବର ପାଇ ନିଷ୍ଠା ସଂଗଠନର ସ୍ପେଚ୍ଛାସେବୀମାନେ ଡାକ୍ତରଖାନାରେ ପହଞ୍ଚିଥିଲେ। ପରେ ସେମାନେ ମୃତଦେହର ସତ୍କାର କରିଥିଲେ। ଏହି ଅବସରରେ ବିକାଶ ଅଗ୍ରଓ୍ବାଲ, ମାନସ ମେହେର, ରୋହିତ ଜସ୍ବାଲ, ବିଦ୍ୟାଧର ଭୋଇ, ଶ୍ରୀରାମ ବାରିକ ପ୍ରମୁଖ ଉପସ୍ଥିତ ରହିଥିଲେ। ତେବେ ସ୍ବେଚ୍ଛାସେବୀଙ୍କ ଏଭଳି ସେବାକୁ ବିଭିନ୍ନ ମହଲରେ ପ୍ରଶଂସା କରାଯାଉଛି।
