କୋଚି, ୧୬।୨ (ପି.ଟି.)- ଇଣ୍ଡିଆନ ସୁପର୍ ଲିଗ୍ (ଆଇଏସ୍ଏଲ୍)ରେ ଶନିବାର ଖେଳାଯାଇଥିବା ଏକ ମୁକାବିଲାରେ କେରଳ ବ୍ଲାଷ୍ଟର୍ସ ୨-୧ ଗୋଲରେ ବେଙ୍ଗାଲୁରୁ ଏଫ୍ସିକୁ ପରାସ୍ତ କରିଛି। ଏଥିସହ ଆଇଏସ୍ଏଲ୍ ଇତିହାସରେ କେରଳ ପ୍ରଥମଥର ଲାଗି ଶକ୍ତିଶାଳୀ ବେଙ୍ଗାଲୁରୁକୁ ହରାଇ ଦେଇଛି। ଭ୍ରମଣକାରୀ ବେଙ୍ଗାଲୁରୁ ପକ୍ଷରୁ ୧୬ତମ ମିନିଟ୍ରେ ଦେଶୋର୍ନ ବ୍ରାଉନ ଗୋଲ ଦେଇ ଦଳକୁ ୧-୦ରେ ଅଗ୍ରଣୀ କରାଇଥିଲେ। ତେବେ ବାର୍ଥୋଲୋମ୍ୟୁ ଓଗ୍ବେଚେ ୪୫ ଓ ୭୨ତମ ମିନିଟ୍ରେ ଗୋଲସ୍କୋର କରି କେରଳକୁ ଜିତାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ସିଜନରେ ବାର୍ଥୋଲୋମ୍ୟୁ ଏଥିସହ ୧୩ ଗୋଲସ୍କୋର କରିଛନ୍ତି। ପରାଜୟ ସତ୍ତ୍ୱେ ବେଙ୍ଗାଲୁରୁ ପୂର୍ବରୁ ଆଇଏସ୍ଏଲ୍ର ପ୍ଲେ-ଅଫ୍ରେ ସ୍ଥାନ ସୁରକ୍ଷିତ କରିନେଇଛି। ଅପରପକ୍ଷରେ କେରଳ ୧୭ ମ୍ୟାଚ୍ରୁ ୧୭ ପଏଣ୍ଟ ପାଇ ଟେବୁଲର ୭ମ ସ୍ଥାନରେ ରହିଛି।
