ମୁମ୍ବାଇ: ବଲିଉଡ୍ ଷ୍ଟାରକିଡ୍ ଅନନ୍ୟା ପାଣ୍ଡେ ଏବେ ଖୁବ୍ ଚର୍ଚ୍ଚାରେ। ନିକଟରେ ତାଙ୍କର ଏକ ଫଟୋ ସାସିଆଲ ମିଡିଆରେ ଭାଇରାଲ ହୋଇଛି। ଯାହାକୁ ନେଇ ୟୁଜର୍ସ ଟ୍ରୋଲ୍ ମଧ୍ୟ କରିଛନ୍ତି। ଘଟଣା ହେଉଛି ଅନନ୍ୟା ଏକ ଆଖୁ କିଆରିରେ ଠିଆ ହୋଇଥିବାର ଫଟୋ ସୋସିଆଲ ମିଡିଆରେ ଶେୟାର କରିବା ପରେ ଏହା ଭାଇରାଲ ହୋଇଥିଲା। ଆଉ ଏହାକୁ ଦେଖିବା ପରେ ୟୁଜର୍ସ ଏକ ପୁରୁଣା କାହାଣୀକୁ ପୁଣିଥରେ ମନେପକାଇ ଦେଇଥିଲେ। କିଛିଦିନ ତଳେ ରାଜୀବ ମସନ୍ଦଙ୍କ ଶୋ’ରେ ଅନନ୍ୟା ଗଲିବୟ ଷ୍ଟାର ସିଦ୍ଧାନ୍ତ ଚତୁର୍ବେଦିଙ୍କ ସହ ପହଞ୍ଚିଥିଲେ। ସେଠାରେ ଅନନ୍ୟା ଯେତେବେଳେ ତାଙ୍କ ସଂଘର୍ଷର କାହାଣୀ କହିଥିଲେ ସେତେବେଳେ ସିଦ୍ଧାନ୍ତ ଗୋଟିଏ ଲାଇନରେ ତାଙ୍କ କଥାକୁ ବନ୍ଦ କରି ଦେଇଥିଲେ। ସିଦ୍ଧାନ୍ତ କହିଥିଲେ ‘ଯେଉଁଠି ଆମ ସ୍ବପ୍ନ ପୂରଣ ହେଉଛି ସେଠି ଏମାନଙ୍କ ସଂଘର୍ଷ ଆରମ୍ଭ ହେଉଛି’। ସିଦ୍ଧାନ୍ତଙ୍କ ଏହି କଥା ଦର୍ଶକଙ୍କୁ ବେଶ୍ ପସନ୍ଦ ଆସିଥିଲା ଆଉ ଦର୍ଶକେ ଅନନ୍ୟାଙ୍କୁ ଖୁବ୍ ଟ୍ରୋଲ୍ କରିଥିଲେ। ଏହାତ ପୁରୁଣା କଥା ହେଲେ ଏବେ ଏହା ପୁଣିଥରେ ନୂଆ ହୋଇଯାଇଛି। ଅନନ୍ୟା ଆଖୁ କିଆରିରେ ଠିଆ ହୋଇଥିବାର ଫଟୋ ଶେୟାର କରିବା ପରେ ସୋସିଆଲ ମିଡିଆ ୟୁଜର୍ସ ଏହାକୁ ଲାଇକ୍ କରିବା ସହ କମେଣ୍ଟ ବକ୍ସରେ ଏମିତି ଲେଖିଛନ୍ତି ଯାହା ପୁରୁଣା କାହାଣୀକୁ ମନେ ପକାଇ ଦେଇଛି। ଜଣେ ଲେଖିଛନ୍ତି ଅନନ୍ୟା ଘାସ ସହ ବହୁତ ସଂଘର୍ଷ କରିଛନ୍ତି। ଆଉ ଜଣେ ଲେଖିଛନ୍ତି, କ୍ଷେତରେ କ’ଣ କରୁଛ? ଏମିତିତ ଦିଦିଙ୍କୁ ନିଜେ ଯାଇ କ୍ଷେତ ସମ୍ଭାଳିବାକୁ ପଡୁଛି ବୋଲି ଜଣେ ୟୁଜର ଲେଖିବା ସହ ଅନ୍ୟଜଣେ ହସିବା ଇମୋଜି ସହ ଲେଖିଛନ୍ତି, ଷ୍ଟ୍ରଗଲିଂ ଅନ୍ ନେକ୍ସଟ ଲେବଲ।
