ଆରଡ଼ି,୧୨।୮(ଡି.ଏନ୍.ଏ.): ଭଦ୍ରକ ଜିଲାର ପ୍ରସିଦ୍ଧ ବାବା ଆଖଣ୍ଡଳମଣିଙ୍କ ପୀଠ ଆରଡ଼ିିରେ ଶେଷ ସୋମବାରରେ କାଉଡିଆମାନେ ଜଳଲାଗି କରିଛନ୍ତି । ଏହି ଉପଲକ୍ଷେ ପୀଠରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଥିଲା । ରବିବାର ସନ୍ଧ୍ୟାରୁ ପୀଠର ବିଭିନ୍ନ ଗହଳି ସ୍ଥାନରେ ପୋଲିସ ମୁତୟନ କରାଯାଇଥିଲା । ଜିଲା ପ୍ରଶାସନଙ୍କ ତାଗିଦ୍ ସତ୍ତ୍ବେ ବିଦ୍ୟୁତ୍ ବିଭାଗ ଅଧିକାରୀଙ୍କ ଖାମଖିଆଲି ନୀତି ଓ ବାରମ୍ବାର ବିଦ୍ୟୁତ କାଟ୍ ଯୋଗୁ ପୀଠ ତଥା ପୀଠ ନିକଟବର୍ତ୍ତୀ ଅଞ୍ଚଳ ଅନ୍ଧକାର ରହିଥିଲା। କୌଣସି କାରଣ ନ ଥାଇ ସୋମବାର ସକାଳ ୬ଟା ପୂର୍ବରୁ ବିଦ୍ୟୁତ୍କାଟ ସ୍ଥାନୀୟ ଅଞ୍ଚଳରେ ଅସନ୍ତୋଷର କାରଣ ହୋଇଥିଲା। ତେବେ ଶେଷ ସୋମବାରରେ ପ୍ରାୟ ୧୦ ହଜାର ଶ୍ରଦ୍ଧାଳୁ ଜଳଲାଗି କରିଥିବା ଜଣାପଡ଼ିଛି ।
