ବର୍ତ୍ତମାନ ଭଳିକି ଭଳି ଆର୍ଟିଫିସିଆଲ୍ ଜୁଏଲେରୀ ଟ୍ରେଣ୍ଡ୍ରେ ରହିଛି। କମ୍ ଖର୍ଚ୍ଚରେ ଏକାଧିକ ଜୁଏଲେରୀ କିଣି ହେଉଥିବାରୁ ଏହାକୁ ସମସ୍ତେ ପସନ୍ଦ କରୁଛନ୍ତି। ହେଲେ ସାମାନ୍ୟ ଅବହେଳାରେ ଏସବୁ ଶୀଘ୍ର ଖରାପ ହୋଇଯିବାର ଆଶଙ୍କା ରହିଛି। ତେଣୁ ଏଭଳି ଜୁଏଲେରୀର କିପରି ଯତ୍ନ ନେବେ ଜାଣି ରଖନ୍ତୁ ଟିପ୍ସ…
ଏଭଳି ଜୁଏଲେରୀ ଓ୍ବାଟରପ୍ରୁଫ୍ ନୁହେଁ, ତା’ଛଡା ପାଣି ସଂସ୍ପର୍ଶରେ ଆସିଲେ ଜଙ୍କ ହେବା କିମ୍ବା ରଙ୍ଗ ଛାଡିଯିବାର ଆଶଙ୍କା ରହିଛି। ତେଣୁ ଏହାକୁ ବ୍ୟବହାର କଲାପରେ ଝାଳ ଲାଗିଥିବଲେ ଭଲ ଭାବେ ପୋଛି ଜିପ୍ ଲକ୍ ପ୍ଲାଷ୍ଟିକ୍ ପାଉଚ୍ରେ ଏହାକୁ ରଖନ୍ତୁ।
ଏଭଳି ଜୁଏଲେରୀ ପରଫ୍ୟୁମ ସଂପ୍ସର୍ଶରେ ଆସି ଖରାପ ହୋଇଯାଏ। ତେଣୁ ଫରଫ୍ୟୁମ୍ ଠାରୁ ଯଥା ସମ୍ଭବ ଏହାକୁ ଦୂରେଇ ରଖନ୍ତୁ।
ଏଭଳି ଜୁଏଲେରୀକୁ ସଫା କରିବା ଲାଗି ଟୁଥ୍ ପାଉଡର ବ୍ୟବହାର କରନ୍ତୁ। ଏହାକୁ ଲଗାଇ ଧିରେ ଧିରେ ବ୍ରଶ୍ ସାହାଯ୍ୟରେ ଘଷି ସଫା ନରମ କପଡାରେ ପୋଛି ଦିଅନ୍ତୁ।
