କିଛିଦିନ ତଳେ ବଲିଉଡ୍ ଅଭିନେତ୍ରୀ ଆଲିଆ ଭଟ୍ଟ ୟୁଟ୍ୟୁବ୍ ଚ୍ୟାନେଲ୍ ‘Aliabe’ ଲଞ୍ଚ କରିଥିଲେ। ଏବେ ଜ୍ୟାକ୍ଲିନ୍ ଫର୍ନାଡିଜ୍ ଏକ ୟୁଟ୍ୟୁବ୍ ଚ୍ୟାନେଲ୍ ଲଞ୍ଚ କରିଛନ୍ତି। ପ୍ରଥମ ଦିନରେ ଜ୍ୟାକ୍ଲିନଙ୍କ ଫ୍ୟାମିଲି ଭିଡିଓ, ମଡେଲିଂ, ବଲିଉଡ୍ ଅଡିଶନ ଆଦି ଶେୟାର କରିଥିବା ଦେଖିବାକୁ ମିଳିଛି। ନିଜ ଜୀବନ ସମ୍ପର୍କରେ ଫ୍ୟାନ୍ମାନଙ୍କୁ ଜଣାଇବା ପାଇଁ ଜ୍ୟାକ୍ଲିନ ଏହି ଚ୍ୟାନେଲ୍ ଲଞ୍ଚ କରିଥିବା କହିଛନ୍ତି। ସକାଳୁ ରାତି ପର୍ଯ୍ୟନ୍ତ ସମସ୍ତ ଘଟଣାବଳୀ ଶେୟାର କରିବେ। ଏହି ଚ୍ୟାନେଲ ଜରିଆରେ ସେ ନିଜ ଜୀବନର ସଂଘର୍ଷ କାହାଣୀ ଫ୍ୟାନ୍ମାନଙ୍କୁ ଜଣାଇବାକୁ ଚାହାନ୍ତି। ଏଥିରେ ଫ୍ୟାନମାନଙ୍କୁ ଟିପ୍ସ ଦେବେ, ଯାହା ବଲିଉଡ୍ରେ ଏଣ୍ଟ୍ରି କରିବାକୁ ସହଜ ହେବ। ଏହା ସହିତ ବ୍ୟୁଟି ସିକ୍ରେଟ୍, ନିଜର ଫିଟ୍ନେସ୍, ଫ୍ୟାଶନ ସମ୍ପର୍କରେ ମଧ୍ୟ ଶେୟାର କରିବେ। ୭ରୁ ୧୦ ଦିନ ମଧ୍ୟରେ ଭିଡିଓ ଅପ୍ଲୋଡ୍ କରିବେ ବୋଲି ଜ୍ୟାକ୍ଲିନ୍ ଏକ ସାକ୍ଷାତକାରରେ କହିଛନ୍ତି।
