ପୁରୀ ଅଫିସ, ୨୨।୯: ଆଇସ୍କ୍ରିମ କାଠିରେ ମହାପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥ ତିଆରି କରି ଇଣ୍ଡିଆ ବୁକ୍ ଅଫ୍ ରେକଡର୍ସରେ ନିଜ ନଁାକୁ ସ୍ଥାନିତ କରିଛନ୍ତି ପୁରୀର ଯୁବ ଶିଳ୍ପୀ ସତ୍ୟପ୍ରକାଶ ନାୟକ। ମାତ୍ର ୧୮ ବର୍ଷ ବୟସରେ ଏହି ସଫଳତା ପାଇଛନ୍ତି କୁଣ୍ଢେଇବେଣ୍ଟ ସାହିର ରାଜଲକ୍ଷ୍ମୀ ଏବଂ ବାଳକୃଷ୍ଣଙ୍କ ପୁଅ ସତ୍ୟପ୍ରକାଶ। ଗତ ଜୁନ୍ ୨୫ରେ ସେ ୬୫୦ ଖଣ୍ଡ କାଠିରେ ୩୮ ସେମି ଉଚ୍ଚତା ଏବଂ ୩୨ ସେମି ଦୈର୍ଘ୍ୟ ଓ ପ୍ରସ୍ଥ ବିଶିଷ୍ଟ କୁନି ରଥକୁ ୫ ଦିନରେ ନିର୍ମାଣ କରିଥିଲେ। ସାରଥୀ, ଘୋଡ଼ା, ପାର୍ଶ୍ୱ ଦେବାଦେବୀ ମଧ୍ୟ ଆଇସ୍କ୍ରିମ କାଠିରେ ତିଆରି କରିଥିଲେ। ଏଥିସହ ଶ୍ରୀଜଗନ୍ନାଥଙ୍କ ପ୍ରତିମୂର୍ତ୍ତିି ଏବଂ ରଥ ଦଉଡ଼ି ତିଆରି କରିଥିଲେ। ରବିବାର ତାଙ୍କ ପାଖରେ ଇଣ୍ଡିଆ ବୁକ୍ ଅଫ୍ ରେକଡର୍ସ ପକ୍ଷରୁ ପଠାଯାଇଥିବା ପ୍ରମାଣପତ୍ର, ପଦକ, ପେନ୍, ପରିଚୟପତ୍ର ଓ ବ୍ୟାଚ୍ ଆଦି ଆସି ପହଞ୍ଚତ୍ଛି। ଏଭଳି ସଫଳତାର ଶ୍ରେୟ ସେ ମହାପ୍ରଭୁ ଏବଂ ମା, ବାପାଙ୍କୁ ଦେଇଛନ୍ତି। ସତ୍ୟପ୍ରକାଶ କହିଛନ୍ତି, ଏଥର କରୋନା ପାଇଁ ରଥଯାତ୍ରାରୁ ବଞ୍ଚତ୍ତ ହୋଇଥିଲି। ତେଣୁ ଆଇସ୍କ୍ରିମ୍ କାଠିରେ ରଥ ଗଢିବାକୁ ସ୍ଥିର କରିଥିଲି।
