ଭୁବନେଶ୍ୱର, ୭।୯(କ୍ରୀଡ଼ା ପ୍ରତିନିଧି)-
ସ୍ଥାନୀୟ ପଟିଆ ସ୍ଥିତ ୬ ପକେଟ୍ସଠାରେ ଚାଲିଥିବା ଇଷ୍ଟ ଜୋନ୍ ସ୍ନୁକର ଚାମ୍ପିୟନଶିପ୍ର ଦ୍ୱିତୀୟ ଦିବସରେ ଶ୍ୟାମ ଅଗ୍ରଓ୍ବାଲ ଓ ଉଦ୍ଭାସ ମହାପାତ୍ର ପ୍ରଭାବୀ ପ୍ରଦର୍ଶନ କରି ବିଜୟୀ ହୋଇଛନ୍ତି। ଦ୍ୱିତୀୟ ଦିବସର ମ୍ୟାଚ ଗୁଡ଼ିକ ମଧ୍ୟରେ ଅଶ୍ୱିନ ପଟ୍ଟନାୟକ ୩-୧ରେ ଅର୍ପିତ ଅଗ୍ରଓ୍ବାଲ, ଖାଲିଦ ସୁଲତାନ ୩-୦ରେ ରାହୁଲ ନାଏକ, ମହମ୍ମଦ ରାଜା ୩-୦ରେ ତରୁଣ ପଟ୍ଟନାୟକ, ଶ୍ୟାମ ଅଗ୍ରଓ୍ବାଲ ୩-୦ରେ ହର୍ଷ ଲାମ୍ବା, ଉଦ୍ଭାସ ମହାପାତ୍ର ୩-୦ରେ କୁନାଲ ଅଗ୍ରଓ୍ବାଲ, ଚନ୍ଦ୍ର ମହାନ୍ତି ୩-୧ ଫ୍ରେମ୍ରେ ସମୀର ଅଲୀଙ୍କୁ ପରାସ୍ତ କରିଛନ୍ତି। ସେହିପରି ଶ୍ୟାମ ଅଗ୍ରଓ୍ବାଲ ୩-୦ରେ ହର୍ଷିତ କାମଓ୍ବାନିଙ୍କୁ ଏବଂ ଚେତନ ଆନନ୍ଦ ୩-୦ ଫ୍ରେମ୍ରେ ଅକ୍ଷୟ ସେଠ୍ଙ୍କୁ ହରାଇ ଆଗକୁ ବଢ଼ିଛନ୍ତି। ଗୁରୁବାର ରାତିରେ ଅନୁଷ୍ଠିତ ମ୍ୟାଚ ଗୁଡ଼ିକ ମଧ୍ୟରେ ସତ୍ୟକାମ ମହାପାତ୍ର ୩-୦ରେ ଇନ୍ଦ୍ରଜିତ ଷଡ଼ଙ୍ଗୀ, ହର୍ଷିତ କାମଓ୍ବାନି ୩-୧ରେ ହରିହର ଗୁରୁ, ମିଶାଲ ସ୍ବାଇଁ ୩-୦ରେ ଅନୁଭବ ଅଗ୍ରଓ୍ବାଲ ଓ ରୁମିତ ଗୁପ୍ତା ୩-୨ ଫ୍ରେମ୍ରେ ସୁମନ ପଟ୍ଟନାୟକଙ୍କୁ ପରାସ୍ତ କରିଥିଲେ।
