ହାଇଦ୍ରାବାଦ, ୬ା୧୦ : ଇସ୍ରୋ ବୈଜ୍ଞାନିକ ଏସ୍. ସୁରେଶ କୁମାରଙ୍କ ହତ୍ୟାକାରୀ ଶ୍ରୀନିବାସଙ୍କୁ ପୋଲିସ ଗିରଫ କରିଛି। ଦୁହିଙ୍କ ମଧ୍ୟରେ ଗଢ଼ି ଉଠିଥିବା ସମଲିଙ୍ଗୀ ସମ୍ପର୍କ ଓ ଅର୍ଥ କାରବାର ହତ୍ୟାକାଣ୍ଡର ମୁଖ୍ୟ କାରଣ ବୋଲି ଜଣାପଡ଼ିଛି। କେରଳର ସୁରେଶ ଇସ୍ରୋର ନ୍ୟାଶନାଲ ରିମୋଟ ସେନ୍ସିଂରେ ବୈଜ୍ଞାନିକ ଭାବେ କାର୍ଯ୍ୟ କରୁଥିବାବେଳେ ଶ୍ରୀନିବାସ ସେଠାରେ ଲାବ୍ ଟେକ୍ନିସିଆନ୍ ଭାବେ କାର୍ଯ୍ୟ କରୁଥିଲେ। ସମଲିଙ୍ଗୀ ସମ୍ପର୍କ ରଖୁଥିବା ସୁରେଶ ଶ୍ରୀନିବାସଙ୍କୁ ଟଙ୍କା ନ ଦେବାରୁ ସେ ଏଭଳି ହତ୍ୟାକାଣ୍ଡ ଭିଆଇଥିବା ଖବରଦାତା ସମ୍ମିଳନୀରେ ହାଇଦ୍ରାବାଦ ପୋଲିସ କହିଛି। ସୁରେଶଙ୍କ ଟଙ୍କା, ସୁନା ମୁଦି ଶ୍ରୀନିବାସଙ୍କଠାରୁ ମିଳିବା ପରେ ସନ୍ଦେହ ଦୃଢ଼ୀଭୁତ ହୋଇଥିଲା। ଫୋନ୍ କଲ ରେକର୍ଡ ଓ ରକ୍ତ ନମୁନା ପରୀକ୍ଷା ପରେ ସତ ଲୋକଲୋଚନକୁ ଆସିଥିଲା।
