କରାଚୀ,୧୦ା୯(ପି.ଟି.)-କଶ୍ମୀର ପ୍ରସଙ୍ଗକୁ ନେଇ ଭାରତ-ପାକ୍ ମଧ୍ୟରେ ବାକ୍ଯୁଦ୍ଧ ଲାଗିରହିଥିବାବେଳେ ଚନ୍ଦ୍ରୟାନ-୨ ମିଶନ ପାଇଁ ପାକିସ୍ତାନର ପ୍ରଥମ ମହିଳା ମହାକାଶଚାରୀ ନମିରା ସଲିମ୍ ଭାରତ ଓ ଇସ୍ରୋକୁ ଅଭିନନ୍ଦନ ଜଣାଇଛନ୍ତି। ଚନ୍ଦ୍ରପୃଷ୍ଠରେ ଅବତରଣ ଉଦ୍ୟମ ଦକ୍ଷିଣ ଏସିଆ ଏବଂ ସମଗ୍ର ବିଶ୍ୱ ମହାକାଶ ବିଜ୍ଞାନ ଜଗତ ପାଇଁ ଏକ ବଡ଼ ପଦକ୍ଷେପ ବୋଲି ସେ କହିଛନ୍ତି। ୨.୧ କି.ମି. ଉଚ୍ଚତାରେ ଚନ୍ଦ୍ରୟାନ-୨ ସହ ଯୋଗାଯୋଗ ବିଚ୍ଛିନ୍ନ ହେବାରୁ ଲ୍ୟାଣ୍ଡର ବିକ୍ରମକୁ ଇସ୍ରୋ ସଠିକ୍ ଭାବେ ସୂକ୍ଷ୍ମ ଅବତରଣ କରାଇ ପାରିନାହିଁ। ଏହା ସବୁଠୁ ଜଟିଳ ପର୍ଯ୍ୟାୟ ଥିଲା। ତେବେ ଇସ୍ରୋର ଏଭଳି ଐତିହାସିକ ଉଦ୍ୟମ ଅଭିନନ୍ଦନୀୟ ବୋଲି ପାକ୍ ମହାକାଶଚାରୀ କହିଛନ୍ତି।
