ମୁମ୍ବାଇ,୧୩।୮- ଆସନ୍ତା ମାସରେ ଇସ୍ଲାମାବାଦ୍ଠାରେ ଭାରତ ଓ ପାକିସ୍ତାନ ମଧ୍ୟରେ ଦୁଇଦିନିଆ ଡେଭିସ କପ୍ ମୁକାବିଲା ଖେଳାଯିବ। ଏହି ମ୍ୟାଚ୍ ଲାଗି ପାକିସ୍ତାନ ପକ୍ଷରୁ କରାଯାଇଥିବା ସୁରକ୍ଷା ବ୍ୟବସ୍ଥାରେ ଅନ୍ତର୍ଜାତୀୟ ଟେନିସ ଫେଡେରେଶନ (ଆଇଟିଏଫ୍) ସ.େନ୍ତାଷ ପ୍ରକାଶ କରିଛି। ଉଲ୍ଲେଖଥାଉ କି, ଗତ ସୋମବାର ଜମ୍ମୁ-କଶ୍ମୀରରୁ ୩୭୦ ଧାରା ଉଚ୍ଛେଦ ପରେ ଦୁଇ ପଡ଼ୋଶୀ ଦେଶ ମଧ୍ୟରେ ତିକ୍ତତା ବୃଦ୍ଧି ପାଇବା ସହ ଯୁଦ୍ଧ ଆଶଙ୍କା ରହିଛି। ପାକିସ୍ତାନ ଭାରତୀୟ ଆମ୍ବାସାଡରଙ୍କୁ ଦେଶରୁ ଫେରାଇ ଦେଇଛି। ଏଥିଯୋଗୁ ସର୍ବଭାରତୀୟ ଟେନିସ ଆସୋସିଏଶନ (ଏଆଇଟିଏ) ପକ୍ଷରୁ ଆଇଟିଏଫ୍କୁ ଭେନ୍ୟୁ ପରିବର୍ତ୍ତନ କରିବା ଲାଗି ଅନୁରୋଧ କରାଯାଇଥିଲେ। ହେଲେ ଆଇଟିଏଫ୍ ସୁରକ୍ଷା ବ୍ୟବସ୍ଥାରେ ସନ୍ତୁଷ୍ଟ ହେବା ପରେ ଭାରତୀୟ ଦଳ ପାକିସ୍ତାନ ଗସ୍ତ କରିିବା ସ୍ପଷ୍ଟ ହୋଇଛି। ଆମେ ଆୟୋଜକ ଦଳ ସହିତ କାର୍ଯ୍ୟ କରୁଛୁ। ସ୍ବାଧୀନ ଅଭିଜ୍ଞ ସୁରକ୍ଷା ପରାମର୍ଶଦାତା ରହିଛନ୍ତି। ସେମାନେ ପରିସ୍ଥିତି ଉପରେ କଡ଼ା ନଜର ରଖିବେ ବୋଲି ଆଇଟିଏଫ୍ ପକ୍ଷରୁ କୁହାଯାଇଛି।
