କରୋନା ମୁକାବିଲା କରିବା ଲାଗି ଭାରତରେ ଲକ୍ଡାଉନ ସମୟରେ ଲୋକେ ଗ୍ରସେରୀ ଦୋକାନ ଆଗରେ ଲମ୍ବାଧାଡି ଲଗାଉଥିବାବେଳେ ଅରୁଣାଚଳପ୍ରଦେଶର ଏକ ଦୁର୍ଗମ ଜିଲାରେ ସ୍ବେଚ୍ଛାସେବୀମାନେ ଲୋକମାନଙ୍କ ପାଖରେ ଅତ୍ୟାବଶ୍ୟକ ସାମଗ୍ରୀ ପହଞ୍ଚାଉଛନ୍ତି। ସେମାନେ ‘ମି ବୁଡି’ ନାମକ ଏକ ଆପ୍ ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ଏହି ଆପ୍ର ପ୍ରତିଷ୍ଠାତା ତଥା ସିଇଓ ହେଉଛନ୍ତି ମାଲିରେଡ୍ଡୀ ରାଜଶେଖର। ଏହା ପୂର୍ବରୁ ଏହି ଆପ୍ ମାଧ୍ୟମରେ ସେ ଦୁର୍ଗମ ଅଞ୍ଚଳରେ ଲୋକମାନଙ୍କୁ କୃଷି ଉପକରଣ,ବୈଦ୍ୟୁତିକ ଯନ୍ତ୍ରପାତି , ହସ୍ତକଳା ସାମଗ୍ରୀ ପହଞ୍ଚାଉଥିଲେ। କିନ୍ତୁ ଏବେ ଲକ୍ଡାଉନରେ ଲୋକଙ୍କ ସମସ୍ୟା ଦୂର କରିବା ଲାଗି ସେ ଆଗକୁ ଆସି ଲୋକଙ୍କ ଅଭାବ ପୂରଣ କରିପାରୁଛନ୍ତି। ସେ ଏହି ଆପ୍କୁ ଫେବୃୟାରୀ ୨୦୧୯ରେ ଆରମ୍ଭ କରିଥିଲେ। ସେବେଠାରୁ ଏହା ୨୦୦ ଗାଁରେ ଲୋକଙ୍କ ପାଖରେ ଜିନିଷ ପହଞ୍ଚାଇବାରେ ଲାଗିଛି। ସରକାରଙ୍କ ସହ ଏହା ସ୍ମାର୍ଟ ଭିଲେଜ ଅଭିଯାନରେ ମଧ୍ୟ ସାମିଲ ହୋଇଛି। ଏବେ ଏହି ଆପ ମାଧ୍ୟମରେ ଲୋହିତ ଜିଲାର ତେଜୁ ସହରର ଆଖପାଖ ଅଞ୍ଚଳରେ ଲୋକଙ୍କୁ ଆବଶ୍ୟକ ସାମଗ୍ରୀ ଯୋଗାଇ ଦେଉଛନ୍ତି ରାଜଶେଖର। ଏବେ ସୁଦ୍ଧା ଏହି ଆପ୍ରେ ୧୪୮୦ ଜଣଙ୍କୁ ପଞ୍ଜୀକୃତ କରି ୨୦୦ରୁ ଊର୍ଦ୍ଧ୍ୱଙ୍କୁ ସାମଗ୍ରୀ ଯୋଗାଇ ସାରିଲେଣିି। ୨୪ ଘଣ୍ଟିଆ ସେବା ଯୋଗାଇ ଦେବା ଲାଗି ଏଥିତ୍ରେ ୫ ଜଣ ସଦସ୍ୟ ରହିଛନ୍ତି। ଲକ୍ଡାଉନ ସମୟରେ ସାମାଜିକ ଦୂରତ୍ୱ ପାଳନ କରିବା ସହ ଅନ୍ଲାଇନ ପେମେଣ୍ଟ ବ୍ୟବସ୍ଥା ମଧ୍ୟ କରିଛନ୍ତି ରାଜଶେଖର।
