କର୍ନାଟକର ୪୧ ବର୍ଷୀୟ ମଞ୍ଜୁନାଥ ନିଙ୍ଗାପ୍ପା ପୂଜାରୀ ଯାହା କରୁଛନ୍ତି ତାହା ଦେଖିବାର ବିଷୟ। ସେ ଏକସାଙ୍ଗରେ ତିନୋଟି କାମ କରି ଯାହା ରୋଜଗାର କରନ୍ତି ସେଥିରେ ପରିବାର ଚଳାଇବା ସହ ଲୋକଙ୍କ ସେବାରେ ଖର୍ଚ୍ଚ କରିଥାନ୍ତି। ମଞ୍ଜୁନାଥ ରହନ୍ତି ବେଙ୍ଗାଲୁରୁରେ ।
ପ୍ରତିଦିନ ସେ ତିନୋଟି କାମ କରିଥାନ୍ତି। ସକାଳ ୬ଟାରୁ ଉଠି ଲୋକମନଙ୍କୁ ଅଟୋରେ ନେବା ଆଣିିବା କରନ୍ତି। ୯ଟା ଯାଏ ଏହି କାମ କରିବା ପରେ ସେ ଆଇଏଲ୍ ଆଣ୍ଡ୍ ଏଫ୍ଏସ୍ ଅଫିସ୍ରେ ଆସିଷ୍ଟାଣ୍ଟ ଭାବେ କାମ କରନ୍ତି। ସେଠାରୁ ସନ୍ଧ୍ୟା ୬ଟା ୩୦ରେ ଫେରିବା ପରେ ଆଉ ଏକ ଜାଗାରେ ପାର୍ଟଟାଇମ ଜବ୍ କରନ୍ତି। ସେଠାରୁ ରାତି ୯ଟାରେ ଫେରି ଖାଇ ସାରିବା ପରେ ପୁଣି ରୋଗୀମାନଙ୍କୁ ହସ୍ପିଟାଲ ନେଇଥାନ୍ତି। ଅଫିସରୁ ଯାହା ଦରମା ପାଆନ୍ତି ସେଥିରେ ପରିବାର ଚଳାନ୍ତି ଏବଂ ଅଟୋ ଓ ପାର୍ଟଟାଇମ ଜବ୍ରୁ ଯାହା ରୋଜଗାର କରନ୍ତିି ତାହାକୁ ଲୋକମାନଙ୍କ ସେବାରେ ଖର୍ଚ୍ଚ କରିବା ପରେ ଆଉ କିଛି ଏକ ଏନ୍ଜିଓକୁ ଦାନ କରିଥାନ୍ତି। ରାତିରେ ରୋଗୀମାନଙ୍କୁ ହସ୍ପିଟାଲ ନେଉଥିବାରୁ ଲୋକେ ତାଙ୍କୁ ରାତିର ଅଟୋ ଆମ୍ବୁଲାନ୍ସ ମ୍ୟାନ ବୋଲି କୁହନ୍ତି। ଏହି ସେବା ଯୋଗାଇ ଦେଇ ସେ ୩୦୦ ଲୋକଙ୍କ ଜୀବନ ବଞ୍ଚାଇ ପାରିଛନ୍ତି।
