ହିରୋ ନମ୍ବର ଗୋବିନ୍ଦା ଆଜି ୫୮ ବର୍ଷରେ ପଦାର୍ପଣ କରିଛନ୍ତି। ୯୦ ଦଶକରେ ସେ ଅନେକ କମେଡି ଫିଲରେ ଅଭିନୟ କରି ରାତାରାତି ଷ୍ଟାର ପାଲଟିଥିଲେ। ଫିଲ୍ମ ‘କୁଲି ନଂ ୧’ ହେଉ କିମ୍ବା ‘ହଦ କର ଦି ଆପ୍ନେ’ ଭଳି କମେଡି ଫିଲ୍ମ ସେ ଅଭିନୟ କରିଥିଲେ। ୮୦ ଏବଂ ୯୦ ଦଶକରେ ସେ ଅନେକ ଫିଲ୍ମରେ ଅଭିନୟ କରିଥିଲେ। ସେ ଯେଉଁ ଫିଲ୍ମକୁ ସାଇନ୍ କରୁଥିଲେ, ତାହା ବକ୍ସ ଅଫିସରେ ଏକ ବ୍ଲକବଷ୍ଟର ହୋଇଯାଉଥିଲା। ଗୋବିନ୍ଦା ହିଁ ଏକାକୀ ତିନି ଖାନଙ୍କୁ ପ୍ରତିଯୋଗିତା ଦେଇଥିଲେ।
ଗୋବିନ୍ଦାଙ୍କ ଫିଲ୍ମ ଯାତ୍ରା ଏକ କାହାଣୀଠାରୁ କମ ନୁହେଁ । ସେ ବହୁ ସଂଘର୍ଷ ପରେ ବଲିଉଡ୍ରେ ନିଜର ପରିଚୟ ସୃଷ୍ଟି କରିଥିଲେ। ଗୋବିନ୍ଦା ୨୧ ଡିସେମ୍ବର ୧୯୬୩ରେ ମୁମ୍ବାଇରେ ଜନ୍ମଗ୍ରହଣ କରିଥିଲେ।
ମାତ୍ର ୨୨ ବର୍ଷ ବୟସରେ ସେ ୫୦ଟି ଫିଲ୍ମରେ ସାଇନ କରିଥିଲେ। ଗୋବିନ୍ଦା ତାଙ୍କ ଫିଲ୍ମ କ୍ୟାରିୟରରେ ୧୬୫ରୁ ଅଧିକ ଚଳଚ୍ଚିତ୍ରରେ କାମ କରିଛନ୍ତି। ସେ ତାଙ୍କ ନାମରେ ଅନେକ ପୁରସ୍କାର ମଧ୍ୟ ଜିତିଛନ୍ତି। ଗୋବିନ୍ଦାଙ୍କ ପିତା ଅରୁଣ କୁମାର ଅହୁଜା ତାଙ୍କ ସମୟରେ ଜଣେ ପ୍ରସିଦ୍ଧ କଳାକାର ଥିଲେ। ସେ ୩୦-୪୦ ଫିଲ୍ମରେ ମଧ୍ୟ ଅଭିନୟ କରିଥିଲେ। ଏଥି ସହିତ ଗୋବିନ୍ଦାଙ୍କ ମାତା ନିର୍ମଳା ଦେବୀ ଜଣେ ଶାସ୍ତ୍ରୀୟ ଗାୟକ ଥିଲେ। ସେ ଫିଲ୍ମରେ ଗୀତ ଗାଉଥିଲେ। ଗୋବିନ୍ଦା ବାଣିଜ୍ୟରେ ସ୍ନାତକ। ଅଭିନେତା ହେବା ପୂର୍ବରୁ ଅନେକ ସ୍ଥାନରେ ଚାକିରି ଖୋଜୁଥିଲେ। ୧୯୮୬ ମସିହାରେ, ତାଙ୍କର ପ୍ରଥମ ଚଳଚ୍ଚିତ୍ର ‘ଇଲଜାମ’ ରିଲିଜ ହୋଇଥିଲା ଏବଂ ସେ ବଡ ପରଦାରେ ଆସିଥିଲେ।
