ଗୁପ୍ଚୁପ୍ ସ୍ବାସ୍ଥ୍ୟ ଲାଗି ଖରାପ ନୁହେଁ। ଏହା ବିଭିନ୍ନ ସ୍ବାସ୍ଥ୍ୟ ସମସ୍ୟାଠାରୁ ଦୂରେଇ ରଖେ। ଗୁପ୍ଚୁପ୍ ପାଣିରେ ତେନ୍ତୁଳି ପାଣି, ପୋଦିନା, କଳାଲୁଣ, ଜିରା, ଗୋଲମରିଚ ଆଦି ରହିଥାଏ। ଏହାକୁ ପିଇଲେ ଏସିଡିଟି ସମସ୍ୟା ଦୂର ହୋଇଥାଏ ବୋଲି ଆମେରିକା କାରୋଲିନା ବିଶ୍ୱ ବିଦ୍ୟାଳୟର କେତେକ ଗବେଷକ ସେମାନଙ୍କ ଗବେଷଣା ରିପୋର୍ଟରେ ସୂଚିତ କରିଛନ୍ତି। ଯାତ୍ରା ସମୟରେ ମୁଭିଂ ସିକନେସ୍ ଯୋଗୁ ପେଟ ଖରାପ ଲାଗିବା ସହିତ ମୁଣ୍ଡ ବୁଲାଇଥାଏ। ତେବେ ଏହି ସମୟରେ ଗୁପ୍ଚୁପ୍ ପାଣି ପିଇବା ଦ୍ୱାରା ସୁଫଳ ମିଳିଥାଏ। ସେହିପରି ମେଦବହୁଳ ରୋଗୀଙ୍କୁ ଷ୍ଟ୍ରୀଟ୍ ଫୁଡ୍ ଖାଇବାକୁ ବାରଣ କରାଯାଉଥିଲେ ମଧ୍ୟ ସେମାନଙ୍କ ଲାଗି ଗୁପ୍ଚୁପ୍ ଉପଯୋଗୀ ସାବ୍ୟସ୍ତ ହୋଇଥାଏ ବୋଲି ରିପୋର୍ଟରେ ଦର୍ଶାଯାଇଛି।
